ತನುವು ನಿನ್ನದು, ಮನವು ನಿನ್ನದು / Tanuvu ninnadu manavu ninnadu

ಸಾಹಿತ್ಯ     : ರಾಷ್ಟ್ರಕವಿ ಕುವೆಂಪು   
ಗಾಯಕರು : ಶ್ರೀ ಮೈಸೂರು ಅನಂತಸ್ವಾಮಿ

ಧ್ವನಿಸುರಳಿಯ ಕೊಂಡಿ / Hear the song 

ತನುವು ನಿನ್ನದು, ಮನವು ನಿನ್ನದು ।।೨।।

ಎನ್ನ ಜೀವನ ಧನ ನಿನ್ನದು 

ನಾನು ನಿನ್ನವನೆಂಬ ಹೆಮ್ಮೆಯ ಋಣವು ಮಾತ್ರವೆ ನನ್ನದು 

ತನುವು ನಿನ್ನದು, ಮನವು ನಿನ್ನದು

ನೀನು ಹೊಳೆದರೆ ನಾನು ಹೊಳೆವೆನು 

ನೀನು ಬೆಳೆದರೆ ನಾನು ಬೆಳೆವೆನು 

ನೀನು ಹೊಳೆದರೆ ನಾನು ಹೊಳೆವೆನು 

ನೀನು ಬೆಳೆದರೆ ನಾನು ಬೆಳೆವೆನು 

ನನ್ನ ಹರಣದ ಹರಣ ನೀನು 

ನನ್ನ ಮರಣದ ಮರಣವು ।।೨।।

ತನುವು ನಿನ್ನದು, ಮನವು ನಿನ್ನದು

ನನ್ನ ಮನದಲಿ ನೀನೆ ಯುಕ್ತಿ 

ನನ್ನ ಹೃದಯದಿ ನೀನೆ ಭಕ್ತಿ 

ನನ್ನ ಮನದಲಿ ನೀನೆ ಯುಕ್ತಿ 

ನನ್ನ ಹೃದಯದಿ ನೀನೆ ಭಕ್ತಿ 

ನೀನೆ ಮಾಯಾಮೋಹ ಶಕ್ತಿಯು 

ನನ್ನ ಜೀವನ ಮುಕ್ತಿಯು ।।೨।। 

ತನುವು ನಿನ್ನದು, ಮನವು ನಿನ್ನದು

ತನುವು ನಿನ್ನದು ।।೩।।

ಮನವೂ ನಿನ್ನದು