ಮನೆಯೊಳಗಾಡೊ ಗೋವಿಂದ / Maneyolagaado Govinda

ಸಾಹಿತ್ಯ     : ಶ್ರೀ ಪುರಂದರದಾಸರು 

ಗಾಯಕರು : ಶ್ರೀ ವಿದ್ಯಾಭೂಷಣ   

ಧ್ವನಿಸುರಳಿಯ ಕೊಂಡಿ / Hear the song 

ಮನೆಯೊಳಗಾಡೊ ಗೋವಿಂದ                                 || ಪ ||

ನೆರೆಮನೆಗಳಿಗೇಕೆ ಪೋಗುವೆಯೋ ಮುಕುಂದ               || ಅ.ಪ ||

ನೊಸಲಿಗೆ ತಿಲಕವ ಇಡುವೆ    

ಅಚ್ಛ ಹೊಸ ಬೆಣ್ಣೆಯನಿಕ್ಕಿ ಕಜ್ಜಾಯ ಕೊಡುವೆ 

ಹೊಸ ಆಭರಣಗಳ ಇಡುವೆ

ಮುದ್ದು ಹಸುಳೆ ನಿನ್ನನು ನೋಡಿ ಸಂತೋಷ ಪಡುವೆ        || ೧ ||

ಅಣ್ಣಯ್ಯ ಬಲರಾಮ ಸಹಿತ  

ನೀನಲ್ಲಲ್ಲಿ ತಿರುಗಾಡುವುದೇನೋ ವಿಹಿತ 

ಹೆಣ್ಣುಗಳೇಕೋ ಸಂಗಾತ

ಎನ್ನ ಬಿನ್ನಪವನು ಪರಿಪಾಲಿಸೋದಾತ                         || ೨ ||

ಚೋರನೆನಿಸಿಕೊಳಲೇಕೋ 

ಲಕ್ಷ್ಮೀನಾರಾಯಣನೆಂಬ ಬಿರುದು ನಿನಗೇಕೊ 

ವಾರಿಜಾಕ್ಷರ ಕೂಟ ಸಾಕೊ 

ನಮ್ಮ ಪುರಂದರವಿಠ್ಠಲ ನೀ ಮನೆಯೊಳಿರಬೇಕು           || ೩ ||

ಪದಗಳಾರ್ಥ: 

ಪೋಗು   : ಹೋಗು 

ಮು = ಮುಕ್ತಿ, ಮೋಕ್ಷ

ಕು   = ತಮಸ್ಸು, ಸಂಸಾರ, ಹುಟ್ಟು ಸಾವಿನ ಬಂಧ..

ದ    = ದದಾತಿ, ಕೊಡುವವನು

ಮುಕುಂದ =

೧. ಜೀವರಿಗೆ ಹುಟ್ಟು ಸಾವುಗಳ ಪ್ರಕೃತಿ ಬಂಧ ಬಿಡಿಸಿ, 

    ಮೋಕ್ಷವನ್ನು ಕೊಡುವವನು ಯಾರೋ ಅವನೇ ಮುಕುಂದ

೨. ಸಾತ್ವಿಕರಿಗೆ ಪೂರ್ಣ ಸುಖ ಇರುವ ಮೋಕ್ಷ,

     ತಾಮಸರಿಗೆ ಪೂರ್ಣ ದುಃಖ ಇರುವ ತಮಸ್ಸನ್ನು ಕೊಡುವವನು ಯಾರೋ ಅವನೇ ಮುಕುಂದ

ನೊಸಲು   : ಹಣೆ, ಲಲಾಟ, ಫಾಲ

ವಿಹಿತ      : ಯೋಗ್ಯವಾದುದು, ಔಚಿತ್ಯಪೂರ್ಣ

ಹಸುಳೆ     : ಮಗು, ಶಿಶು 

ಬಿನ್ನಪ(ಹ) : ಪ್ರಾರ್ಥನೆ, ವಿಜ್ಞಾಪನೆ, ಅರಿಕೆ 

ವಾರಿಜ.    : ನೀರಿನಲ್ಲಿ ಹುಟ್ಟಿದ್ದು, ಕಮಲ 

ವಾರಿಜಾಕ್ಷ : ವಾರಿಜಾ೦ಬಕ
ವಾರಿಜಾ೦ಬಕ : ಕಮಲದಂತೆ ಕಣ್ಣುಳ್ಳವನು 

ಭಾವಾರ್ಥ, ವ್ಯಾಖ್ಯಾನದ ಕೃಪೆ : ಸಮೀರ್ ಜಗನ್ನಾಥ್, ನನ್ನ ನೆಚ್ಚಿನ ಸ್ನೇಹಿತರು

ಮನೆಯೊಳಗಾಡೊ ಗೋವಿಂದ:

ಮನೆಯೊಳಗಾಡೊ ಅಂದರೆ, ನಾನು ಕಟ್ಟಿ ವಾಸಮಾಡಿರುವ ಮನೆಯೊಳಗೇ  ಆಡಿಕೊಳ್ಳಪ್ಪ, ಬೇರೆಯವರ ಮನೆಗೆ ಹೋಗಬೇಡ ಎಂದರ್ಥವಲ್ಲ

ಏಶಂ ವೈ ದೇವರಥ: ಈ ದೇಹವೇ ದೇವರ ರಥ.. ಹೃದಯ ಹರಿಯ ಮಂಟಪ,ಮಂದಿರ, ಮನೆ

ಈ ಮನೆಯೊಳಗೆ ಆಡೋ.. ಗೋವಿಂದ.. ಸರ್ವ ವೇದಗಳಿಂದ ಸ್ತುತ್ಯ..

"ಸದಾ ಎನ್ನ ಹೃದಯದಲ್ಲಿ ವಾಸಮಾಡೋ ಶ್ರೀಹರಿ",

ಪರ.. ಈ ಮನೆಯನ್ನು ಬಿಟ್ಟು ಬೇರೆಯಡೆಯೇಕೆ ಹೋಗುತಿ ?

ಅಂದ್ರೆ ದೇವರು ಕಾಣುವುದು ಜ್ಞಾನಿಗಳಿಗೆ ಮಾತ್ರ..

ಬೇರೆ ಜ್ಞಾನಿಗಳು ಸ್ತುತ್ಯರೆ.. ಅವರಲ್ಲಿ ಮಾತ್ರ ಹೋಗೋದು ಇಲ್ಲಿ ಬಾರದಿರುವು ತರವೇ?

ಈ ಎಲ್ಲ ಭಾವಗಳ ಪುಂಜ - ಒಂದು ಸಾಲು

-----------------------------------------------------------------------------------------------

Saahitya : Sri Purandaradaasaru
Singer     : Sri Vidhyabhooshana

maneyoLagADo govinda                                                         || pa ||
neremanegaLigeke poguvyo mukunda                                || a.pa ||

nosalige tilakava iDuve 
achCha hosa beNNyanikki kajjAya koDuve
hosa AbharaNagaLa iDuve
muddu hasuLe ninnanu noDi santoSha paDuve               || 1 ||

aNNayya balarAma sahita 
nInallalli tirugADuvudeno vihita 
heNNugaLeko sangAta
enna binnapavanu paripAlisodAta                                      || 2 ||

chorannisikoLaleko 
lakShmInArAyaNaneMba birudu ninageko 
vArijAkShara kUTa sAko 
namma purandaraviThThala nI maneyoLirabeku         || 3 ||