ಎಂಥಾ ದಿನಗಳವು, ಮರೆಯಾಗಿ ಹೋದವು, ಮಿಂಚಂತಹ ಕ್ಷಣಗಳವು, ಇನ್ನೆಂದು ಬಾರವು/Entha Dinagalavu Mareyaagi hodavu

ಸಾಹಿತ್ಯ    : ಸುಬ್ರಾಯ ಚೊಕ್ಕಾಡಿ
ಗಾಯಕರು : ಸಿ.ಅಶ್ವಥ್

ಧ್ವನಿಸುರಳಿಯ ಕೊಂಡಿ / Hear the song 

ಎಂಥಾ ದಿನಗಳವು, ಮರೆಯಾಗಿ ಹೋದವು, 

ಮಿಂಚಂತಹ ಕ್ಷಣಗಳವು, ಇನ್ನೆಂದು ಬಾರವು ।।೨।।
ಎಂಥಾ ದಿನಗಳವು
ಸುರಿವ ಮಳೆಗೆ ದೋಣಿಯನ್ನು ತೇಲಿ ಬಿಟ್ಟೆವು, 

ಚಿಟ್ಟೆ ಹೂವ ಗೊಂದಲದಲಿ ನಕ್ಕು ನಲಿದೆವು ।।೨।।
ಮುಗಿಲ ಬಣ್ಣ ಚಂದ್ರ ತಾರೆ ಹಾಡ ಹಿಡಿದೆವು, 

ಮುಂದೆನುಗ್ಗಲೇನೋ ಬಡಿದು ಕೆಳಕೆ ಕುಸಿದೆವು
ಎಂಥಾ ದಿನಗಳವು, ಮರೆಯಾಗಿ ಹೋದವು, 

ಮಿಂಚಂತಹ ಕ್ಷಣಗಳವು, ಇನ್ನೆಂದು ಬಾರವು
ಹಕ್ಕಿಬೆನ್ನನೇರಿ ಗಗನ ಮೀರಿ ನೆಗೆದೆವು, 

ಇಂದ್ರಛಾಪದಲ್ಲಿ ಕೈ ಕೈ ಬೆಸೆದು ನಡೆದೆವು ।।೨।।
ಈಗ ಹಕ್ಕಿ ರೆಕ್ಕೆ ಮುರಿದು ಧರೆಗೆ ಉರಿಳಿದೆ, ।।೨।।
ಕಿಸೆಯಲಿಟ್ಟ ಬಿಲ್ಲ ತುಣುಕು ಕಳೆದೆ ಹೋಗಿದೆ
ಎಂಥಾ ದಿನಗಳವು, ಮರೆಯಾಗಿ ಹೋದವು, 

ಮಿಂಚಂತಹ ಕ್ಷಣಗಳವು, ಇನ್ನೆಂದು ಬಾರವು