ಯಾಕ ಮಾಡತಿದಿ ಒಣ ಚಿಂತಿ / Yaaka maadatidi Ona Chinti

ಸಾಹಿತ್ಯ     : ಶ್ರೀ ಕಡಕೋಳ ಮಡಿವಾಳಪ್ಪನವರು

ಗಾಯಕರು : ಶರಣಪ್ಪ ಗೋನಾಲ್ & ಪ್ರತಿಭಾ ಗೋನಾಲ್

ಧ್ವನಿಸುರಳಿಯ ಕೊಂಡಿ / Hear the song 

ಮಾಯೆಯ ಮುಸುಕಿನಾಗ ನಂಬಾಳ್ ನೆಡ್-ದೈತಿ, 

ಯಾವ್ದು ಸ್ಥಿರ ಅಲ್ಲ ಅಂತ ಗೊತ್ತಿದ್ರು, ಗುದ್ದಾಟ ನೆಡ್-ದೈತಿ,

ಹೊಲ ಮನಿ ಹೆಂಡ್ತಿ ಮಕ್ಳು ಅಂತ ಬ್ರಾಂತಿ ತುಂಬೈತಿ 

ಯಾಕ ಮಾಡತಿದಿ ಒಣ ಚಿಂತಿ, ನಿನಗ ಬಡುಕೊಂಡೈತೋ ಒಣ ಭ್ರಾಂತಿ                || ಪ  ||

ಅದಕ ಜೋತುಕೊಂಡು ನೀ ಕುಂತಿ, ನಾಳೆ ಯಮನು ಕೇಳಿದ್ರೆ ಏನಂತಿ                  || ಅ.ಪ ||

ಮನೆಯ ಕಟ್ಟಿಸಿದಿ ಮಾಳಿಗಿ, ನಿನಗ ಹೋಗೋದು ಬಂತಲ್ಲೋ ನಾಳಿಗಿ

ಗೊಂಗ್ಡಿದು ಮಾಡ್ಯಾರ ಜೋಳಿಗಿ, ನಿನಗ ಇಟ್ಟು ಬಂದು ಉಣ್ತಾರಲ್ಲೊ ಹೋಳಿಗಿ          || ೧ ||

ಹೆಂಡರು ಮಕ್ಕಳು ಸಂಪತ್ತು, ನೀ ಹುಟ್ಟಿದಾಗ ಅದು ಎಲ್ಲಿತ್ತು

ನಟ್ಟ ನಡುವೆ ಗಂಟು ಬಿಚ್ಚಿಟ್ಟು, ನೀ ತಿಳಿದುನೋಡು ಅದರೊಳು ಕುಂತು                  || ೨ ||

ಸಂಕಷ್ಟ ಪಡುತಿದಿ ಸಾಯೋದುಕ, ಅದು ಲಟಪಟ ಉಣ್ಣಲ್ಲೋ ಮಾಯೋದುಕ

ದತ್ತಗುರು ಮಹಂತಾನೆ ಬಲ್ಲ, ಅವನ ಹೊರೆತು ಮತ್ಯಾರಿಲ್ಲ                                 || ೩ ||

ಪದಗಳಾರ್ಥ: 

ಗೊಂಗಡಿ : ಹಾಸಿಗೆ, ಮೆತ್ತೆ, ಕ್ವಿಲ್ಟು, ರಜಾಯಿ, ಕವುದಿ, ತಡಿ

=======================================================

Saahitya : Sri Kadakola Madivaalappa

Singers : Sri Sharanappa Gonal & Prathibha Gonal

mAyeya musukinAga naMbAL neD daiti,

yAvdu sthira alla anta gottidru, guddATa neD daiti,

hola mani henDti makLu anta brAnti tuMbaiti

yAka mADatidi oNa chinti, ninaga baDukonDaito oNa bhrAnti            || pa ||

adaka jotukonDu nI kunti, nALe yamanu keLidre enanti                      || a.pa ||

maneya kaTTisidi mALigi, ninaga hogodu bantallo nALigi

gongDidu mADyAra joLigi, ninaga iTTu bandu uNtArallo hoLigi          || 1 ||

henDaru makkaLu saMpattu, nI huTTidAga adu ellittu

naTTa naDuve ganTu bichchiTTu, nI tiLidu noDu adaroLu kuntu         || 2 ||

sankaShTa paDutidi sAyoduka, adu laTapaTa uNNallo mAyoduka

dattaguru mahantAne balla, avana horetu matyArilla                          || 3 ||