ತೊರೆದು ಜೀವಿಸಬಹುದೇ / Toredu Jeevisabahude

ಸಾಹಿತ್ಯ     : ಶ್ರೀ ಕನಕದಾಸರು

ಗಾಯಕರು : ಶ್ರೀ ರಾಹುಲ್ ವೆಲ್ಲಾಲ್

ಧ್ವನಿಸುರಳಿಯ ಕೊಂಡಿ / Hear the song 

                                   

ತೊರೆದು ಜೀವಿಸಬಹುದೇ ಹರಿ ನಿನ್ನ ಚರಣಗಳ            || ಪ ||

ಬರಿದೆ ಮಾತೇಕಿನ್ನು ಅರಿತು ಪೇಳುವೆನಯ್ಯ                 || ಅ.ಪ ||

ತಾಯಿತಂದೆಯ ಬಿಟ್ಟು, ತಪವ ಮಾಡಲುಬಹುದು

ದಾಯಾದಿ ಬಂಧುಗಳ, ಬಿಡಲುಬಹುದು

ರಾಯ ತಾ ಮುನಿದರೆ, ರಾಜ್ಯವನೆ ಬಿಡಬಹುದು

ಕಾಯಜ ಪಿತ ನಿನ್ನ, ಅಡಿಯ ಬಿಡಲಾಗದು                  || ೧ ||

ಒಡಲು ಹಸಿಯಲು ಅನ್ನವಿಲ್ಲದಲೆ, ಇರಬಹುದು

ಪಡೆದ ಕ್ಷೇತ್ರವ ಬಿಟ್ಟು, ಹೊರಡಬಹುದು

ಮಡದಿ ಮಕ್ಕಳ ಕಡೆಗೆ, ತೊಲಗಿಸಿಯೇ ಬಿಡಬಹುದು

ಕಡಲೊಡೆಯ ನಿನ್ನಡಿಯ ಘಳಿಗೆ, ಬಿಡಲಾಗದು             || ೨ ||   

ಪ್ರಾಣವನು ಪರರು, ಬೇಡಿದರೆತ್ತಿ ಕೊಡಬಹುದು

ಮಾನದಲಿ ಮನವ, ತಗ್ಗಿಸಲು ಬಹುದು

ಪ್ರಾಣನಾಯಕಾನಾದ ಆದಿಕೇಶವರಾಯ

ಜಾಣ ಶ್ರೀಕೃಷ್ಣ ನಿನ್ನಡಿಯ, ಬಿಡಲಾಗದು                     || ೩ ||

ಕ್ಲಿಷ್ಟ ಪದಗಳಾರ್ಥ:

ಅಡಿ : ಪಾದಕಮಲಗಳು

ಕಾಯಜ ಪಿತ : ಮನ್ಮಥನ ತಂದೆ =>  ವಿಷ್ಣು

=======================================

Saahitya  : Sri Kanakadaasaru 

Singer      : Sri Rahul Vellaal 

toredu jIvisabahude hari ninna charaNagaLa            || pa ||

baride mAtekinnu aritu peLuvenayya                           || a.pa ||

tAyitandeya biTTu, tapava mADalubahudu

dAyAdi bandhugaLa, biDalubahudu

rAya tA munidare, rAjyavane biDabahudu

kAyaja pita ninna, aDiya biDalAgadu                           || 1 ||

voDalu hasiyalu annavilladale irabahudu

paDeda kShetrava biTTu horaDabahudu

maDadi makkaLa kaDege tolagisiye biDabahudu

kaDaloDeya ninnaDiya ghaLige biDalAgadu               || 2 ||

prANavanu pararu, beDidaretti koDabahudu

mAnadali manava, taggisalu bahudu

prANanAyakAnAda AdikeshavarAya

jANa shrI kRRiShNa ninnaDiya biDalAgadu                 || 3 ||