ಇದುವರೆಗೆ ನೀನೆನ್ನ ಕೈ ಹಿಡಿದು ನಡೆಸಿರುವೆ / Iduvarege Neenenna Kai hididu Nadesiruve

ಸಾಹಿತ್ಯ    : ರಾಷ್ಟ್ರಕವಿ ಕುವೆಂಪು   
ಗಾಯಕರು: ಶ್ರೀ ಶಶಿಧರ ಕೋಟೆ 

ಇದುವರೆಗೆ ನೀನೆನ್ನ ಕೈ ಹಿಡಿದು ನಡೆಸಿರುವೆ ಇನ್ನಾದರು ನನ್ನ ಕೈ ಬಿಡದಿರು
ಇನ್ನಾದರು ನನ್ನ ಕೈ ಬಿಡದಿರು
ಇದುವರೆಗೆ ನೀನೆನ್ನ ಕೈ ಹಿಡಿದು ನಡೆಸಿರುವೆ ಇನ್ನಾದರು ನನ್ನ ಕೈ ಬಿಡದಿರು
ಇನ್ನಾದರು ನನ್ನ ಕೈ ಬಿಡದಿರು
ಅಂದಿನಂತೆಯೆ ಇಂದು ನಾನೊಂದು ಶಿಶು ಎಂದು ಎಂದಿಗೂ ಕೈ ಬಿಡದೆ ಸಲಹೈ ಗುರು ।।೨।।
ಇದುವರೆಗೆ ನೀನೆನ್ನ ಕೈ ಹಿಡಿದು ನಡೆಸಿರುವೆ ಇನ್ನಾದರು ನನ್ನ ಕೈ ಬಿಡದಿರು
ಇನ್ನಾದರು ನನ್ನ ಕೈ ಬಿಡದಿರು

ವೈರಾಗ್ಯ ಒಂದು ಕಡೆ, ತನ್ನ ಮಹಿಮೆಯ ತೋರಿ ಕೈಚಾಚಿ ಕರೆಯುತ್ತಿದೆ ।।೨।।
ಸೌಂದರ್ಯ ಒಂದು ಕಡೆ, ತನ್ನ ಮೋಹವ ಬೀರಿ ಮೈ ಚಾಚಿ ಸೆಳೆಯುತ್ತಿದೆ ।।೨।।
ಇದುವರೆಗೆ ನೀನೆನ್ನ ಕೈ ಹಿಡಿದು ನಡೆಸಿರುವೆ ಇನ್ನಾದರು ನನ್ನ ಕೈ ಬಿಡದಿರು
ಇನ್ನಾದರು ನನ್ನ ಕೈ ಬಿಡದಿರು

ಒಂದು ಕಡೆ ಸ್ವಾತಂತ್ರ್ಯ ಒಂದು ಕಡೆ ಮಾಧುರ್ಯ ನಡುವಿಹೆನು ಬಟ್ಟೆಗೆಟ್ಟು
ಮುಕ್ತಿಯನ್ನೋಪ್ಪಲೋ ? ಮಾಯೆಯನ್ನಪ್ಪಲೋ ? ತಿಳಿದ ನೀನನ್ನನಟ್ಟು ।।೨।।
ಇದುವರೆಗೆ ನೀನೆನ್ನ ಕೈ ಹಿಡಿದು ನಡೆಸಿರುವೆ ಇನ್ನಾದರು ನನ್ನ ಕೈ ಬಿಡದಿರು
ಅಂದಿನಂತೆಯೆ ಇಂದು ನಾನೊಂದು ಶಿಶು ಎಂದು ಎಂದಿಗೂ ಕೈ ಬಿಡದೆ ಸಲಹೈ ಗುರು
ಎಂದಿಗೂ ಕೈ ಬಿಡದೆ ಸಲಹೈ ಗುರು ।।೨।।

ಧ್ವನಿಸುರಳಿಯ ಕೊಂಡಿ / Hear the song 

ಕ್ಲಿಷ್ಟ ಪದಗಳಾರ್ಥ:
-----------------
ಬಟ್ಟೆಗೆಟ್ಟು : ದಾರಿತಪ್ಪಿ

ದಾರಿ ತೋರೆನಗೆ ಗುರುವೇ / Daari torenage guruve

ಸಾಹಿತ್ಯ: ರಾಷ್ಟ್ರಕವಿ ಕುವೆಂಪು  
ಗಾಯಕರು: ಶ್ರೀ ಶಿವಮೊಗ್ಗ ಸುಬ್ಬಣ್ಣ



















ಧ್ವನಿಸುರಳಿಯ ಕೊಂಡಿ / Hear the song 

ದಾರಿ ತೋರೆನಗೆ ಗುರುವೇ ದಾರಿ ತೋರೆನಗೆ ।।೨।।
ದಾರಿ ತೋರೆನಗೆ ಗುರುವೇ

ಕವಲೊಡೆದ ಹಾದಿಗಳು, ಕವಿದಿಹುದು ಕತ್ತೆಲೆಯು, ಕಿವಿಗೊಟ್ಟು ಕೇಳಿದರೆ, ಕರೆವ ದನಿಯಿಲ್ಲ ।।೨।।
ಕಣ್ಣಿಟ್ಟು ನೋಡಿದರೆ ಹೊಳೆವ ಸೊಡರಿಲ್ಲ ।।೨।।
ದಾರಿ ತೋರೆನಗೆ ಗುರುವೇ ದಾರಿ ತೋರೆನಗೆ
ದಾರಿ ತೋರೆನಗೆ ಗುರುವೇ

ತಿಮಿರವನು ಕುಡಿ ಕುಡಿದು ಮುಳುಗಿಹವು ಮೂರ್ಚೆಯಲಿ, ಬನಬಯಲು ಭುವಿಬಾನು ಹೊಳೆಕೆರೆಗಳೆಲ್ಲ ।।೨।।
ಭೀಕರದ ಮೌನದಲಿ ಬಗೆಹರಿವುದಿಲ್ಲ ।।೨।।
ದಾರಿ ತೋರೆನಗೆ ಗುರುವೇ ದಾರಿ ತೋರೆನಗೆ
ದಾರಿ ತೋರೆನಗೆ ಗುರುವೇ

ಹೆಪ್ಪುಗಟ್ಟಿಹುದಿರುಳು ಮರಳಿನಲಿ ಕೆಸರಿನಲಿ, ಮುಂದೆ ತೆರಳಿದ ಜನರ ಹೆಜ್ಜೆಗಳ ಕಾಣೆ ।।೨।।
ಕತ್ತಲಲಿ ಕೈಹಿಡಿದು ಕಾಯುವರ ಕಾಣೆ ।।೨।।
ದಾರಿ ತೋರೆನಗೆ ಗುರುವೇ ದಾರಿ ತೋರೆನಗೆ
ದಾರಿ ತೋರೆನಗೆ ಗುರುವೇ


ಕ್ಲಿಷ್ಟ ಪದಗಳಾರ್ಥ:
-----------------

ಸೊಡರು :  ದೀಪ
ತಿಮಿರ   :  ಕತ್ತಲು, ಅಂಧಕಾರ

ಸೌಂದರ್ಯವೆನ್ನ ಹರಿ ಸೌಂದರ್ಯವೆನ್ನ ಹರ / Soundaryavenna hari Soundaryavenna hara

ಸಾಹಿತ್ಯ    : ರಾಷ್ಟ್ರಕವಿ ಕುವೆಂಪು   
ಗಾಯಕರು: ಶ್ರೀ ಸಿ.ಅಶ್ವಥ್

ಧ್ವನಿಸುರಳಿಯ ಕೊಂಡಿ / Hear the song 

ಸೌಂದರ್ಯವೆನ್ನ ಹರಿ ಸೌಂದರ್ಯವೆನ್ನ ಹರ ಸೌಂದರ್ಯವೆನ್ನ ಅವ್ಯಕ್ತ ಬ್ರಹ್ಮ 

ಸೌಂದರ್ಯವೆನ್ನ ಅವ್ಯಕ್ತ ಬ್ರಹ್ಮ ।।೨।।

ಸೌಂದರ್ಯವೆ ಪುಣ್ಯ ಸೌಂದರ್ಯವೆ ಸ್ವರ್ಗ ।।೨।।

ಸೌಂದರ್ಯವೆ ನನ್ನ ಚರಮ ಮೋಕ್ಷ ।।೨।।

ಸೌಂದರ್ಯವಿಲ್ಲದಿಹ ಲೋಕರೌರವ ನರಕ 

ಸೌಂದರ್ಯವಿರೆ ನರಕವದುವೇ ನಾಕ 

ಸೌಂದರ್ಯಕಿಂತಲದಿ ಕಟರ ದೇವರು ಇಲ್ಲ 

ಸೌಂದರ್ಯವಿಲ್ಲದಿರೆ ದೇವರಿಲ್ಲ ।।೨।।

ನನ್ನಾತ್ಮ ಸೌಂದರ್ಯ ನಿನ್ನಾತ್ಮ ಸೌಂದರ್ಯ

ನಾನಿಲ್ಲ ನೀನಿಲ್ಲ ಸೌಂದರ್ಯಮಿಹುದೆಲ್ಲ 

ಸೌಂದರ್ಯವಾನಂದ ಸೌಂದರ್ಯವೈಶ್ವರ್ಯ ।।೨।।

ವಿಶ್ವಕ್ಕೆ ತಾಯೂರು ಬಲ್ಲೆಯೇನ್ಸೌಂದರ್ಯ ।।೨।।

ತನುವು ನಿನ್ನದು, ಮನವು ನಿನ್ನದು / Tanuvu ninnadu manavu ninnadu

ಸಾಹಿತ್ಯ     : ರಾಷ್ಟ್ರಕವಿ ಕುವೆಂಪು   
ಗಾಯಕರು : ಶ್ರೀ ಮೈಸೂರು ಅನಂತಸ್ವಾಮಿ

ಧ್ವನಿಸುರಳಿಯ ಕೊಂಡಿ / Hear the song 

ತನುವು ನಿನ್ನದು, ಮನವು ನಿನ್ನದು ।।೨।।

ಎನ್ನ ಜೀವನ ಧನ ನಿನ್ನದು 

ನಾನು ನಿನ್ನವನೆಂಬ ಹೆಮ್ಮೆಯ ಋಣವು ಮಾತ್ರವೆ ನನ್ನದು 

ತನುವು ನಿನ್ನದು, ಮನವು ನಿನ್ನದು

ನೀನು ಹೊಳೆದರೆ ನಾನು ಹೊಳೆವೆನು 

ನೀನು ಬೆಳೆದರೆ ನಾನು ಬೆಳೆವೆನು 

ನೀನು ಹೊಳೆದರೆ ನಾನು ಹೊಳೆವೆನು 

ನೀನು ಬೆಳೆದರೆ ನಾನು ಬೆಳೆವೆನು 

ನನ್ನ ಹರಣದ ಹರಣ ನೀನು 

ನನ್ನ ಮರಣದ ಮರಣವು ।।೨।।

ತನುವು ನಿನ್ನದು, ಮನವು ನಿನ್ನದು

ನನ್ನ ಮನದಲಿ ನೀನೆ ಯುಕ್ತಿ 

ನನ್ನ ಹೃದಯದಿ ನೀನೆ ಭಕ್ತಿ 

ನನ್ನ ಮನದಲಿ ನೀನೆ ಯುಕ್ತಿ 

ನನ್ನ ಹೃದಯದಿ ನೀನೆ ಭಕ್ತಿ 

ನೀನೆ ಮಾಯಾಮೋಹ ಶಕ್ತಿಯು 

ನನ್ನ ಜೀವನ ಮುಕ್ತಿಯು ।।೨।। 

ತನುವು ನಿನ್ನದು, ಮನವು ನಿನ್ನದು

ತನುವು ನಿನ್ನದು ।।೩।।

ಮನವೂ ನಿನ್ನದು

ನೇಗಿಲಯೋಗಿ: ಉಳುವಾ ಯೋಗಿಯ ನೋಡಲ್ಲಿ / Negilayogi: Uluvaa yogiya nodalli

"ನೇಗಿಲಯೋಗಿ"
ಸಾಹಿತ್ಯ   : ರಾಷ್ಟ್ರಕವಿ ಕುವೆಂಪು  
ಗಾಯಕರು: ಶ್ರೀ ಸಿ.ಅಶ್ವಥ್

ಧ್ವನಿಸುರಳಿಯ ಕೊಂಡಿ / Hear the song 

ನೇಗಿಲ ಹಿಡಿದಾ ಹೊಲದೊಳು ಹಾಡುತ 
ಉಳುವಾ ಯೋಗಿಯ ನೋಡಲ್ಲಿ
ಫಲವನು ಬಯಸದ ಸೇವೆಯೆ ಪೂಜೆಯು
ಕರ್ಮವೆ ಇಹಪರ ಸಾಧನವು
ಕಷ್ಟದೊಳನ್ನವ ದುಡಿವನೆ ತ್ಯಾಗಿ
ಶೃಷ್ಟಿನಿಯಮದೊಳಗವನೇ ಭೋಗಿ
ಉಳುವ ಯೋಗಿಯ ನೋಡಲ್ಲಿ  ।।೨।।

ಲೋಕದೊಳೇನೇ ನಡೆಯುತಲಿರಲಿ
ತನ್ನೀ ಕಾರ್ಯವ ಬಿಡನೆಂದೂ
ರಾಜ್ಯಗಳುದಿಸಲಿ ರಾಜ್ಯಗಳಳಿಯಲಿ,
ಹಾರಲಿ ಗದ್ದುಗೆ ಮುಕುಟಗಳು
ಮುತ್ತಿಗೆ ಹಾಕಲಿ ಸೈನಿಕರೆಲ್ಲ ।।೨।।
ಬಿತ್ತುಳುವುದನವ ಬಿಡುವುದೆ ಇಲ್ಲ ।।೨।।
ಉಳುವಾ ಯೋಗಿಯ ನೋಡಲ್ಲಿ

ಯಾರು ಅರಿಯದ ನೇಗಿಲ ಯೋಗಿಯೆ
ಲೋಕಕೆ ಅನ್ನವನೀಯುವನು ।।೨।।
ಹೆಸರು ಬಯಸದೆ ಅತಿ ಸುಖಕೆಳಸದೆ
ದುಡಿವನು ಗೌರವಕಾಶಿಸದೆ
ನೇಗಿಲಕುಳದೊಳಗಡಗಿದೆ ಕರ್ಮ
ನೇಗಿಲ ಮೇಲೆ ನಿಂತಿದೆ ಧರ್ಮ
ಉಳುವಾ ಯೋಗಿಯ ನೋಡಲ್ಲಿ ।।೩।।

ನೂರು ದೇವರನೆಲ್ಲ ನೂಕಾಚೆ ದೂರ / Nooru devaranella nookaache doora

ಸಾಹಿತ್ಯ   : ರಾಷ್ಟ್ರಕವಿ ಕುವೆಂಪು  
ಗಾಯಕರು: ಶ್ರೀ ಸಿ.ಅಶ್ವಥ್

ಧ್ವನಿಸುರಳಿಯ ಕೊಂಡಿ / Hear the song 

ನೂರು ದೇವರನೆಲ್ಲ ನೂಕಾಚೆ ದೂರ ।। ೩।।
ಭಾರತಾಂಬೆಯೆ ದೇವಿ ನಮಗಿಂದು ಪೂಜಿಸುವ ಬಾರ ಬಾರ ಬಾರ
ನೂರು ದೇವರನೆಲ್ಲ ನೂಕಾಚೆ ದೂರ ।। ೨।।
ಶತಮಾನಗಳು ಬರಿಯ ಜಡಶಿಲೆಯ ಪೂಜಿಸಿ ಆಯ್ತು
ಹಾವ್ಗಳಿಗೆ ಹಾಲೆರದು ಪೋಷಿಸಾಯ್ತು
ಬಿಸಿಲು ಮಳೆ ಗಾಳಿ ಬೆಂಕಿಯನೆಲ್ಲ ಬೇಡಿ ಆಯ್ತು
ದಾಸರನು ಪೂಜಿಸಿಯೇ ದಾಸ್ಯವಾಯ್ತು
ಭಾರತಾಂಬೆಯೆ ದೇವಿ ನಮಗಿಂದು ಪೂಜಿಸುವ ಬಾರ ಬಾರ ಬಾರ
ನೂರು ದೇವರನೆಲ್ಲ ನೂಕಾಚೆ ದೂರ ।। ೨।।

ಗುಡಿಯೊಳಗೆ ಕಣ್ಮುಚ್ಚಿ ಬೆಚ್ಚಗಿರುವರನೆಲ್ಲ
ಭಕ್ತ ರಕ್ತವ ಹೀರಿ ಕೊಬ್ಬಿಹರನೆಲ್ಲ
ಗಂಟೆ ಜಾಗಟೆಗಳಿಂಬಡಿದು ಕುತ್ತಿಗೆ ಹಿಡಿದು ಕಡಲಡಿಗೆ ತಳ್ಳಿರೈ ಶಂಖದಿಂ ನುಡಿದು
ಭಾರತಾಂಬೆಯೆ ದೇವಿ ನಮಗಿಂದು ಪೂಜಿಸುವ ಬಾರ ಬಾರ ಬಾರ
ನೂರು ದೇವರನೆಲ್ಲ ನೂಕಾಚೆ ದೂರ ।। ೨।।

ಸತ್ತ ಕಲ್ಗಳ ಮುಂದೆ ಅತ್ತು ಕರೆದುದು ಸಾಕು
ಜೀವದಾತೆಯಾನಿಂದು ಕೂಗಬೇಕು
ಶಿಲೆಯ ಮೂರ್ತಿಗೆ ನೇಯ್ದ ಕಲೆಯ ಹೊದಿಕೆಯನು ಓಯ್ದು
ಚಳಿಯು ಮಳೆಯಲಿ ನಮೆವ ತಾಯ್ಗೆ ಹಾಕು
ಭಾರತಾಂಬೆಯೆ ದೇವಿ ನಮಗಿಂದು ಪೂಜಿಸುವ ಬಾರ ಬಾರ ಬಾರ
ನೂರು ದೇವರನೆಲ್ಲ ನೂಕಾಚೆ ದೂರ ।। ೩।।
ನೂಕಾಚೆ ದೂರ

ಮುಚ್ಚುಮರೆಯಿಲ್ಲದೆಯೆ ನಿನ್ನಮುಂದೆಲ್ಲವನು / Mucchumare Illadeye ninnamundellavanu

ಸಾಹಿತ್ಯ      : ರಾಷ್ಟ್ರಕವಿ ಕುವೆಂಪು  
ಗಾಯಕರು : ರಾಜು ಅನಂತಸ್ವಾಮಿ 

ಧ್ವನಿಸುರಳಿಯ ಕೊಂಡಿ / Hear the song 

ಮುಚ್ಚುಮರೆಯಿಲ್ಲದೆಯೆ ನಿನ್ನಮುಂದೆಲ್ಲವನು ಬಿಚ್ಚಿಡುವೆವೋ ಗುರುವೆ ಅಂತರಾತ್ಮ ।।೨।।
ಪಾಪವಿದೆ ಪುಣ್ಯವಿದೆ ನರಕವಿದೆ ನಾಕವಿದೆ ।।೨।।
ಸ್ವೀಕರಿಸು ಓ ಗುರುವೆ ಅಂತರಾತ್ಮ
ಮುಚ್ಚುಮರೆಯಿಲ್ಲದೆಯೆ

ರವಿಗೆ ಕಾಂತಿಯನೀವ ನಿನ್ನ ಕಣ್ಣೀಕ್ಷಿಸಲು ಪಾಪತಾನುಳಿಯುವುದೆ ಪಾಪವಾಗಿ ।।೨।।
ಗಂಗೆತಾನುದ್ಭವಿಪ ನಿನ್ನಡಿಯ ಸೋಂಕಿಂಗೆ ।।
ನರಕತಾನುಳಿಯುವುದೆ ನರಕವಾಗಿ
ಮುಚ್ಚುಮರೆಯಿಲ್ಲದೆಯೆ ನಿನ್ನಮುಂದೆಲ್ಲವನು ಬಿಚ್ಚಿಡುವೆವೋ ಗುರುವೆ ಅಂತರಾತ್ಮ
ಮುಚ್ಚುಮರೆಯಿಲ್ಲದೆಯೆ

ಸಾಂತ ರೀತಿಯನೆಮ್ಮಿ ಕದಡಿರುವುದೆನ್ನಾತ್ಮ
ನಾಂತ ರೀತಿಯು ಅದೆಂತೋ ಓ ಅನಂತ ಆಆಅ ಆಆಆ ಆಆಆಅ ಆಆ
ಸಾಂತ ರೀತಿಯನೆಮ್ಮಿ ಕದಡಿರುವುದೆನ್ನಾತ್ಮ
ನಾಂತ ರೀತಿಯು ಅದೆಂತೋ ಓ ಅನಂತ ಆಆಅ
ನನ್ನ ನೀತಿಯ ಕುರುಡಿನಿಂದೆನ್ನ ರಕ್ಷಿಸೈ ।।೨।।
ನಿನ್ನ ಪ್ರೀತಿಯ ಬೆಳಕನ ಆನಂದಕೊಯ್ಯ್

ಮುಚ್ಚುಮರೆಯಿಲ್ಲದೆಯೆ ನಿನ್ನಮುಂದೆಲ್ಲವನು ಬಿಚ್ಚಿಡುವೆವೋ ಗುರುವೆ ಅಂತರಾತ್ಮ
ಪಾಪವಿದೆ ಪುಣ್ಯವಿದೆ ನರಕವಿದೆ ನಾಕವಿದೆ
ಸ್ವೀಕರಿಸು ಓ ಗುರುವೆ ಅಂತರಾತ್ಮ
ಮುಚ್ಚುಮರೆಯಿಲ್ಲದೆಯೆ