Friday, October 20, 2017

ನೀಡು ಶಿವ ನೀಡದಿರೂ ಶಿವ/ Needu Shiva Needadiroo Shiva

"ನೀಡು ಶಿವ ನೀಡದಿರೂ ಶಿವ" 

ಸಾಹಿತ್ಯ     : ಶ್ರೀ ಹಂಸಲೇಖ 
ಗಾಯಕರು : ಕೆ.ಎಸ್. ಚಿತ್ರ 
ಚಲನಚಿತ್ರ : ಗಾನಯೋಗಿ ಪಂಚಾಕ್ಷರ ಗವಾಯಿ 













ಧ್ವನಿಸುರಳಿಯ ಕೊಂಡಿ / Hear the song 

ನೀಡು ಶಿವ ನೀಡದಿರೂ ಶಿವ
ನೀಡು ಶಿವ ನೀಡದಿರೂ ಶಿವ
ಬಾಗುವುದು ನನ್ನ ಕಾಯ

ನೀಡು ಶಿವ ನೀಡದಿರೂ ಶಿವ
ಬಾಗುವುದು ನನ್ನ ಕಾಯ

ನೀಡು ಶಿವ ನೀಡದಿರೂ ಶಿವ
ಬಾಗುವುದು ನನ್ನ ಕಾಯ

ನಾನೇಕೆ ಅಂಜಲಿ ನೀ ನನ್ನ ಅಂಬಲಿ
ನೀಡು ಶಿವ ನೀಡದಿರೂ ಶಿವ
ಬಾಗುವುದು ನನ್ನ ಕಾಯ

ಶೃಂಗಾರ ಕೃತಕ  ಬಂಗಾರ ಕ್ಷಣಿಕ
ಬಾಳಲ್ಲಿ ಬಡಿವಾರ ಏಕೆ
ಶೃಂಗಾರ ಕೃತಕ  ಬಂಗಾರ ಕ್ಷಣಿಕ
ಬಾಳಲ್ಲಿ ಬಡಿವಾರ ಏಕೆ

ನೀನಿತ್ತ ಕಾಯ ......
ನೀನಿತ್ತ ಕಾಯ, ನಿನ್ನ ಕೈಯೆ ಮಾಯ
ಆಗೋದು ಹೋಗೋದು ನಾ ಕಾಣೆನೆ

ನೀಡು ಶಿವ ನೀಡದಿರೂ ಶಿವ
ಬಾಗುವುದು ನನ್ನ ಕಾಯ
ನಾನೇಕೆ ಅಂಜಲಿ ನೀ ನನ್ನ ಅಂಬಲಿ
ನೀಡು ಶಿವ ನೀಡದಿರೂ ಶಿವ
ಬಾಗುವುದು ನನ್ನ ಕಾಯ

ಮಾಳಿಗೆ ಕೊಟ್ಟರು, ಮರದಡಿಯೇ ಇಟ್ಟರು
ನಾನಂತು ನಿನ್ನನ್ನಲಾರೆ
ಮಾಳಿಗೆ ಕೊಟ್ಟರು, ಮರದಡಿಯೇ ಇಟ್ಟರು
ನಾನಂತು ನಿನ್ನನ್ನಲಾರೆ
ಸಾರಂಗ ಮನಕೆ.........
ಆ ಆ ಆ 
ಸಾರಂಗ ಮನಕೆ ನೂರಾರು ಬಯಕೆ
ಮುಂದಿಟ್ಟು ಒಲಿಸೋದು ನಾ ಕಾಣೆನೆ

ನೀಡು ಶಿವ ನೀಡದಿರೂ ಶಿವ
ಬಾಗುವುದು ನನ್ನ ಕಾಯ
ನಾನೇಕೆ ಅಂಜಲಿ ನೀ ನನ್ನ ಅಂಬಲಿ
ನೀಡು ಶಿವ ನೀಡದಿರೂ ಶಿವ
ಬಾಗುವುದು ನನ್ನ ಕಾಯ
ಬಾಗುವುದು ನನ್ನ ಕಾಯ
ಬಾಗುವುದು ನನ್ನ ಕಾಯ

ಓಂ ಬ್ರಹ್ಮಾನಂದ ಓಂಕಾರ/ Om Brahmaananda Omkara

"ಓಂ ಬ್ರಹ್ಮಾನಂದ ಓಂಕಾರ "

ಸಾಹಿತ್ಯ    : ಶ್ರೀ ಹಂಸಲೇಖ  
ಗಾಯಕರು: ಡಾ. ರಾಜ್ ಕುಮಾರ್
ಚಲನಚಿತ್ರ : ಓಂ



ಧ್ವನಿಸುರಳಿಯ ಕೊಂಡಿ / Hear the song 

ಓಂ ಓಂ
ಓಂ ಬ್ರಹ್ಮಾನಂದ ಓಂಕಾರ
ಆತ್ಮಾನಂದ ಸಾಕಾರ
ಓಂ ವೇದಾಂತರ್ಯ ಝೇಂಕಾರ
ಆಧ್ಯಾತ್ಮಾಭಿ ಮಧುಸಾರ

ಹೇ ದಿನಕರ ಶುಭಕರ ಧರೆಗೆ ಬಾ
ಈ ಧರಣಿಯ ದೇಗುಲ ಬೆಳಗು ಬಾ
ನೀಗಿಸು ಬಾಳಿನ ಅಹಂ ಅಹಂ ಅಹಂ ಅಹಂ
ಮಾನಸ ಮಂದಿರ ತುಂಬು ಓಂಕಾರ ನಾದ ಓಂ

ಓಂ ಬ್ರಹ್ಮಾನಂದ ಓಂಕಾರ
ಆತ್ಮಾನಂದ ಸಾಕಾರ
ಓಂ ವೇದಾಂತರ್ಯ ಝೇಂಕಾರ
ಆಧ್ಯಾತ್ಮಾಭಿ ಮಧುಸಾರ

ನಗುವ ಮನಸೇ ಸಾಕು ನಮಗೆ ಹಗಲುಗನಸೆ ಬೇಡ
ಮನೆಯ ತುಂಬಾ ಪ್ರೀತಿ ಸಾಕು, ಬೆಳ್ಳಿ ಚಿನ್ನ ಬೇಡ
ತಂದೆತಾಯೆ ದೈವ, ಗುರುವೇ ನಮ್ಮ ಜೀವ
ಎಂಬ ದಿವ್ಯ ಮಂತ್ರ ನಮ್ಮ ಹೃದಯ ತುಂಬಿಸು.....
ಆ ಆ ಆ ಆಆ

ಹೇ ದಿನಕರ ಶುಭಕರ ಧರೆಗೆ ಬಾ
ಈ ಧರಣಿಯ ದೇಗುಲ ಬೆಳಗು ಬಾ

ಸತ್ಯ ಹೇಳೋ ಕನ್ನಡಿ ಅಂತೆ, ಅಂತರಂಗ ಮಾಡು
ದಯೆ ತೋರೊ ಧರಣಿ ಅಂತ, ಮನೋಧರ್ಮ ನೀಡು
ನೊಂದ ಎಲ್ಲ ಜೀವ, ನನ್ನದೆಂಬ ಭಾವ
ಬಾಳಿನಲ್ಲಿ ತುಂಬೋ ವಿದ್ಯವಿನಯ ಕರುಣಿಸೋ...
ಆ ಆ ಆ ಆಆ

ಹೇ ದಿನಕರ ಶುಭಕರ ಧರೆಗೆ ಬಾ
ಈ ಧರಣಿಯ ದೇಗುಲ ಬೆಳಗು ಬಾ
ನೀಗಿಸು ಬಾಳಿನ ಅಹಂ ಅಹಂ ಅಹಂ ಅಹಂ
ಮಾನಸ ಮಂದಿರ ತುಂಬು ಓಂಕಾರ ನಾದ ಓಂ

ಓಂ ಬ್ರಹ್ಮಾನಂದ ಓಂಕಾರ
{ಆ ಆ ಆ ಆಆ }
ಆತ್ಮಾನಂದ ಸಾಕಾರ
ಓಂ ವೇದಾಂತರ್ಯ ಝೇಂಕಾರ {ಆ ಆ ಆ ಆಆ }
ಆಧ್ಯಾತ್ಮಾಭಿ ಮಧುಸಾರ  {ಆ ಆ ಆ ಆಆ }

Friday, September 22, 2017

ಸೋರುತಿಹುದು ಮನೆಯ ಮಾಳಿಗಿ / Sorutihudu Maneya Maaligi

"ಸೋರುತಿಹುದು ಮನೆಯ ಮಾಳಿಗಿ"

ಸಾಹಿತ್ಯ    : ಸಂತ ಶಿಶುನಾಳ ಶರೀಫ  
ಗಾಯಕರು: ಶ್ರೀ ಸಿ.ಅಶ್ವಥ್




















ಸೋರುತಿಹುದು ಮನೆಯ ಮಾಳಿಗಿ  
ಸೋರುತಿಹುದು ಮನೆಯ ಮಾಳಿಗಿ 
ಅಜ್ಞಾನದಿಂದ 
ಅಜ್ಞಾನದಿಂದ ಸೋರುತಿಹುದು ಮನೆಯ ಮಾಳಿಗಿ 

ಮಾಳಿಗಿ ಮಾಳಿಗಿ ಸೋರುತಿಹುದು ಮನೆಯ ಮಾಳಿಗಿ
ಓ ಮಾಳಿಗಿ ಮಾಳಿಗಿ ಸೋರುತಿಹುದು ಮನೆಯ ಮಾಳಿಗಿ

ಸೋರುತಿಹುದು ಮನೆಯ ಮಾಳಿಗಿ ದಾರುಗಟ್ಟಿ ಮಾಳ್ಪರಿಲ್ಲ 
ಸೋರುತಿಹುದು ಮನೆಯ ಮಾಳಿಗಿ ದಾರುಗಟ್ಟಿ ಮಾಳ್ಪರಿಲ್ಲ 
ಕಾಳಕತ್ತಲೆ ಒಳಗೆ ನಾನು, ಮೇಲಕ್ಕೇರಿ ಹೋಗಲಾರೆ 
ಸೋರುತಿಹುದು ಸೋರುತಿಹುದು ಸೋರುತಿಹುದು ಮನೆಯ ಮಾಳಿಗಿ

ಓ ಮಾಳಿಗಿ ಮಾಳಿಗಿ ಸೋರುತಿಹುದು ಮನೆಯ ಮಾಳಿಗಿ
ಓ ಮಾಳಿಗಿ ಮಾಳಿಗಿ ಸೋರುತಿಹುದು ಮನೆಯ ಮಾಳಿಗಿ

ಮುರುಕು ತೊಲೆಯು, ಹುಳುಕು ಜಂತಿ, ಕೊರೆದು ಸರಿದು, ಕೀಲ ಸಡಲಿ
ಮುರುಕು ತೊಲೆಯು, ಹುಳುಕು ಜಂತಿ, ಕೊರೆದು ಸರಿದು, ಕೀಲ ಸಡಲಿ 
ಹರಕು ಚಪ್ಪರ ಜೇರು ಗಿಂಡಿ ಮೇಲಕ್ಕೇರಿ ಮೆಟ್ಟಲಾರೆ 
ಸೋರುತಿಹುದು ಸೋರುತಿಹುದು ಸೋರುತಿಹುದು ಮನೆಯ ಮಾಳಿಗಿ

ಓ ಮಾಳಿಗಿ ಮಾಳಿಗಿ ಸೋರುತಿಹುದು ಮನೆಯ ಮಾಳಿಗಿ
ಓ ಮಾಳಿಗಿ ಮಾಳಿಗಿ ಸೋರುತಿಹುದು ಮನೆಯ ಮಾಳಿಗಿ

ಓ ಕಾಂತೆ ಕೇಳೆ ತರುಣದಿಂದ, ಬಂತು ಕಾಣೆ ಹುಬ್ಬಿ ಮಳೆಯು 
ಎಂತೋ ಶಿಶುನಾಳದೀಶ ತಾನು 
ಎಂತೋ ಶಿಶುನಾಳದೀಶ ತಾನು 
ನಿಂತು ಪೊರೆವನು ಎಂದು ನಂಬಿದೆ 

ಸೋರುತಿಹುದು ಮನೆಯ ಮಾಳಿಗಿ  
ಸೋರುತಿಹುದು ಮನೆಯ ಮಾಳಿಗಿ 
ಅಜ್ಞಾನದಿಂದ 
ಅಜ್ಞಾನದಿಂದ ಸೋರುತಿಹುದು ಮನೆಯ ಮಾಳಿಗಿ 

ಮಾಳಿಗಿ ಮಾಳಿಗಿ ಸೋರುತಿಹುದು ಮನೆಯ ಮಾಳಿಗಿ
ಓ ಮಾಳಿಗಿ ಮಾಳಿಗಿ ಸೋರುತಿಹುದು ಮನೆಯ ಮಾಳಿಗಿ
ಓ ಮಾಳಿಗಿ ಮಾಳಿಗಿ ಸೋರುತಿಹುದು ಮನೆಯ ಮಾಳಿಗಿ
ಓ ಮಾಳಿಗಿ ಮಾಳಿಗಿ ಸೋರುತಿಹುದು ಮನೆಯ ಮಾಳಿಗಿ

Monday, August 7, 2017

ಒಬ್ಬನೇ, ಒಬ್ಬನೇ .... ಮಂಜುನಾಥನೊಬ್ಬನೇ/ Obbane Obbane Manjunathanobbane


ಸಾಹಿತ್ಯ ಹಾಗು ಸಂಗೀತ ಸಂಯೋಜಕರು : ಶ್ರೀ ಹಂಸಲೇಖ 
ಗಾಯಕರು : ಶ್ರೀ ಎಸ್.ಪಿ.ಬಾಲಸುಬ್ರಮಣ್ಯಂ 


ಧ್ವನಿಸುರಳಿಯ ಕೊಂಡಿ / Hear the song 


ಒಬ್ಬನೇ....  ಒಬ್ಬನೇ .... ಮಂಜುನಾಥನೊಬ್ಬನೇ
ಒಬ್ಬನೇ, ಒಬ್ಬನೇ .... ಮಂಜುನಾಥನೊಬ್ಬನೇ
ಒಬ್ಬನೇ, ಒಬ್ಬನೇ .... ಮಂಜುನಾಥನೊಬ್ಬನೇ

ಜ್ಞಾನಕು, ಧ್ಯಾನಕು ಒಬ್ಬನೇ
ಭಕ್ತಿಗು, ಮುಕ್ತಿಗು ಒಬ್ಬನೇ ಅವನೊಬ್ಬನೇ
ಒಬ್ಬನೇ....  ಒಬ್ಬನೇ .... ಮಂಜುನಾಥನೊಬ್ಬನೇ

ನೀನೊಂದು ಕಲ್ಲು ಎಂದೆ, ನೀನೆಲ್ಲೂ ಇಲ್ಲವೆಂದೆ
ಮಂಜುನಾಥ, ಮಂಜುನಾಥ
ನೀನೇ ನನ್ನ ಬಳಿಗೆ ಬಂದು, ನಿನ್ನಲ್ಲೇನೇ ಇರುವೆನೆಂದೇ
ನನ್ನ ಕಣ್ಣ ತೆರೆತೆರೆದು, ಒಳಗಣ್ಣ ತೋರಿಸಿದೆ
ಮಂಜುನಾಥ, ಮಂಜುನಾಥ
ನನ್ನ ಪಾಪ ತೊಳೆಯಲೆಂದು ಗಂಗೆಯಂತೆ ಭೂಮಿಗಿಳಿದೆ
ಪೊರೆಯನು ತೆರೆಯಲು ಒಬ್ಬನೇ
ಪೊರೆಯಲು ನಮ್ಮನು, ಒಬ್ಬನೇ, ಹರನೊಬ್ಬನೇ
ಒಬ್ಬನೇ....  ಒಬ್ಬನೇ .... ಮಂಜುನಾಥನೊಬ್ಬನೇ

ಶಂಕರ ಶಂಕರ ಹರಹರ ಶಂಕರ
ಮುರಹರ ಭವಹರ ಶಶಿಧರ ಶುಭಕರ
ಜಯಜಯ ಶಂಭೋ ಜಯಜಯ ಚಂದ್ರಧರ
ಜಯಜಯ ಶಂಭೋ ಜಯಜಯ ಗಂಗಧರ

ತಂದೆಯಿಲ್ಲದೋನೆ ಎಂದೆ , ತಂದೆಯಾಗಿ ನೀನು ಬಂದೆ
ಮಂಜುನಾಥ, ಮಂಜುನಾಥ
ನಾನು ಅನ್ನೋ ಅಹಂಕಾರ, ಸುಟ್ಟು ಭಸ್ಮ ಮಾಡಿದೋನೇ
ಮಂಜನ್ನು ದೀಪ ಮಾಡಿ, ಹೊಸ ಜನ್ಮವನ್ನೇ ತಂದೆ
ಮಂಜುನಾಥ, ಮಂಜುನಾಥ
ಅರಿವಿಗೇನೇ ಗುರುವು ಆದ, ಗುರುಗಳ ಗುರು ಇವನೇ
ಸತ್ಯವೂ, ನಿತ್ಯವೂ ಒಬ್ಬನೇ
ಧರ್ಮವೂ, ದೈವವೂ ಒಬ್ಬನೇ
ಶಿವನೊಬ್ಬನೇ ........

ಶಂಕರ ಶಂಕರ ಹರಹರ ಶಂಕರ
ಮುರಹರ ಭವಹರ ಶಶಿಧರ ಶುಭಕರ
ಜಯಜಯ ಶಂಭೋ ಜಯಜಯ ಚಂದ್ರಧರ
ಶಂಕರ......
ಜಯಜಯ ಶಂಭೋ ಜಯಜಯ ಗಂಗಧರ
ಮುರಹರ
ಜಯಜಯ ಶಂಭೋ ಜಯಜಯ ಗೌರಿವರ
ಶಂಭೋ
ಜಯಜಯ ಶಂಭೋ ಜಯಜಯ ಗೌರಿವರ
ಹರಹರ
ಮಂಜುನಾಥ, ಮಂಜುನಾಥ
ಮಂಜುನಾಥ, ಮಂಜುನಾಥ
ಮಂಜುನಾಥ, ಮಂಜುನಾಥ
ಮಂಜುನಾಥ, ಮಂಜುನಾಥ

Thursday, August 3, 2017

ಹೇ ನವಿಲೇ...ಹೆಣ್ನವಿಲೇ..../Hey Navile HenNavile


ಸಾಹಿತ್ಯ ಹಾಗು ಸಂಗೀತ ಸಂಯೋಜಕರು : ಹಂಸಲೇಖ 
ಗಾಯಕರು : ಶ್ರೀ ಎಸ್.ಪಿ.ಬಾಲಸುಬ್ರಮಣ್ಯಂ 


ಧ್ವನಿಸುರಳಿಯ ಕೊಂಡಿ / Hear the song 

ಹೇ ನವಿಲೇ ..... ಹೆಣ್ನವಿಲೇ.... 
ಹೇ ನವಿಲೇ ನವಿಲೇ
ಹೆಣ್ನವಿಲೇ ನವಿಲೇ
ಬಾ ನವಿಲೇ ನವಿಲೇ
ಬಾ ನವಿಲೇ ನವಿಲೇ
ಆ ಸೌಂದರ್ಯ ಲೋಕದಿಂದ ಜಾರಿದೆ
ನಿನ್ನ ನೋಡೋಕೆ ನೂರು ಕಣ್ಣು ಸಾಲದೆ
ಆ ಸೌಂದರ್ಯ ಲೋಕದಿಂದ ಜಾರಿದೆ
ನಿನ್ನ ನೋಡೋಕೆ ನೂರು ಕಣ್ಣು ಸಾಲದೆ
ಹೇ ನವಿಲೇ.....  ಹೆಣ್ನವಿಲೇ
ಹೇ ನವಿಲೇ ನವಿಲೇ
ಹೆಣ್ನವಿಲೇ ನವಿಲೇ
ಬಾ ನವಿಲೇ ನವಿಲೇ
ಬಾ ನವಿಲೇ ನವಿಲೇ

ಆಕಾಶ ಕಾಣುವ, ಮಳೆ ಬಿಸಿಲು ಬೀಳುವ
ಆಕಾಶ ಕಾಣುವ, ಮಳೆ ಬಿಸಿಲು ಬೀಳುವ
ಮನೆಗೆಂದು ನೀನು ಬರುವೆ, ಬರುವೆ
ನಿನಗಾಗಿ ನಾನಿಲ್ಲಿ ಕಾದಿರುವೆನು
ಮನೆಯಂತೆ ಮನಸ್ಸನ್ನು ತೆರೆದಿರುವೆನು
ನಿನ್ನ ಪ್ರೀತಿಯ ನಂಬಿ ಬದುಕಿರುವೆನು

ಹೇ ನವಿಲೇ.....  ಹೆಣ್ನವಿಲೇ
ಹೇ ನವಿಲೇ ನವಿಲೇ
ಹೆಣ್ನವಿಲೇ ನವಿಲೇ
ಬಾ ನವಿಲೇ ನವಿಲೇ
ಬಾರೆ ನವಿಲೇ ನವಿಲೇ
ಆ ಸೌಂದರ್ಯ ಲೋಕದಿಂದ ಜಾರಿದೆ
ನಿನ್ನ ನೋಡೋಕೆ ನೂರು ಕಣ್ಣು ಸಾಲದೆ

ಬಾರೋ ನನ್ನ ರಾಜ ನನ್ನ ರಾಜ

ನೀನಿಲ್ಲಿ ಬಂದಿರೆ, ಹೂನಗುವ ತಂದಿರೆ
ನೀನಿಲ್ಲಿ ಬಂದಿರೆ, ಹೂನಗುವ ತಂದಿರೆ
ನೋಡಲ್ಲಿ ತಾರೆ ನಾಚಿದೆ, ಮಿಂಚದೆ
ಆ ತಾರೆ ಏನಾದರೇನಾಯಿತು
ನೀ ದೂ...ರ ಹೋಗದೆ ಇದ್ದರಾಯಿತು
ನೀನಾಯಿತು ಇನ್ನು ನಾನಾಯಿತು

ಹೇ ನವಿಲೇ.....  ಹೆಣ್ನವಿಲೇ
ಹೇ ನವಿಲೇ ನವಿಲೇ
ಹೆಣ್ನವಿಲೇ ನವಿಲೇ
ಬಾ ನವಿಲೇ ನವಿಲೇ
ಬಾ ಬಾರೆ ನವಿಲೇ ನವಿಲೇ
ಆ ಸೌಂದರ್ಯ ಲೋಕದಿಂದ ಜಾರಿದೆ
ನಿನ್ನ ನೋಡೋಕೆ ನೂರು ಕಣ್ಣು ಸಾಲದೆ

Friday, June 23, 2017

ಆಡಿಸಿ ನೋಡು, ಬೀಳಿಸಿ ನೋಡು, ಉರುಳಿ ಹೋಗದು / Aadisi nodu Beelisi nodu

ಸಾಹಿತ್ಯ: ಚಿ.ಉದಯಶಂಕರ್ 
ಗಾಯಕರು: ಪಿ.ಬಿ.ಶ್ರೀನಿವಾಸ್ 
ಕಲಾವಿದರು: ಡಾ.ರಾಜ್ ಕುಮಾರ್ 









ಧ್ವನಿಸುರಳಿಯ ಕೊಂಡಿ / Hear the song 


"ಕೊಟ್ಟಿದ್ದನ್ನ ನೆನಸ್ಕೊಬಾರ್ದು, ಕೊಡೋದನ್ನ ಮರಿಬಾರ್ದು" 

"ತತ್ವ ಅಡಗಿರುವ ಬೊಂಬೆ"

ಆಡಿಸಿ ನೋಡು, ಬೀಳಿಸಿ ನೋಡು, ಉರುಳಿ ಹೋಗದು   
ಆಡಿಸಿ ನೋಡು, ಬೀಳಿಸಿ ನೋಡು, ಉರುಳಿ ಹೋಗದು
ಏನೇ ಬರಲಿ, ಯಾರಿಗು ಸೋತು, ತಲೆಯ ಬಾಗದು
ಎಂದಿಗೂ ನಾನು, ಹೀಗೆ ಇರುವೆ, ಎಂದು ನಗುವುದು, ಹೀಗೆ ನಗುತಲಿರುವುದು
ಆಡಿಸಿ ನೋಡು, ಬೀಳಿಸಿ ನೋಡು, ಉರುಳಿ ಹೋಗದು

ಗುಡಿಸಲೇ ಆಗಲಿ, ಅರಮನೆಯಾಗಲಿ, ಆಟ ನಿಲ್ಲದು
ಹಿರಿಯರೆ ಇರಲಿ, ಕಿರಿಯರೆ ಬರಲಿ, ಭೇಧ ತೋರದು
ಗುಡಿಸಲೇ ಆಗಲಿ, ಅರಮನೆಯಾಗಲಿ, ಆಟ ನಿಲ್ಲದು
ಹಿರಿಯರೆ ಇರಲಿ, ಕಿರಿಯರೆ ಬರಲಿ, ಭೇಧ ತೋರದು
ಕಷ್ಟವೋ ಸುಖವೊ ಅಳುಕದೆ ಆಡಿ, ತೂಗುತಿರುವುದು ತೂಗುತಿರುವುದು
ಆಡಿಸಿ ನೋಡು, ಬೀಳಿಸಿ ನೋಡು, ಉರುಳಿ ಹೋಗದು

ಮೈಯನೆ ಹಿಂಡಿ, ನೊಂದರು ಕಬ್ಬು, ಸಿಹಿಯ ಕೊಡುವುದು
ತೇಯುತಲಿದ್ದರು ಗಂಧದ ಪರಿಮಳ, ತುಂಬಿ ಬರುವುದು
ಮೈಯನೆ ಹಿಂಡಿ, ನೊಂದರು ಕಬ್ಬು, ಸಿಹಿಯ ಕೊಡುವುದು
ತೇಯುತಲಿದ್ದರು ಗಂಧದ ಪರಿಮಳ, ತುಂಬಿ ಬರುವುದು
ತಾನೆ ಉರಿದರು ದೀಪವು ಮನೆಗೆ, ಬೆಳಕ ತರುವುದು.. ದೀಪ ಬೆಳಕ ತರುವುದು..
ಆಡಿಸಿ ನೋಡು, ಬೀಳಿಸಿ ನೋಡು, ಉರುಳಿ ಹೋಗದು

ಆಡಿಸುವಾತನ ಕೈಚಳಕದಲಿ, ಎಲ್ಲ ಅಡಗಿದೆ
ಆತನ ಕರುಣೆಯ ಜೀವವ ತುಂಬಿ, ಕುಣಿಸಿ ನಲಿಸಿದೆ
ಆಡಿಸುವಾತನ ಕೈಚಳಕದಲಿ, ಎಲ್ಲ ಅಡಗಿದೆ
ಆತನ ಕರುಣೆಯ ಜೀವವ ತುಂಬಿ, ಕುಣಿಸಿ ನಲಿಸಿದೆ
ಆ ಕೈ ಸೋತರೆ, ಬೊಂಬೆಯ ಕಥೆಯು, ಕೊನೆಯಾಗುವುದೇ ಕೊನೆಯಾಗುವುದೇ
ಆಡಿಸಿ ನೋಡು, ಬೀಳಿಸಿ ನೋಡು, ಉರುಳಿ ಹೋಗದು
ಏನೇ ಬರಲಿ, ಯಾರಿಗು ಸೋತು, ತಲೆಯ ಬಾಗದು
ಎಂದಿಗೂ ನಾನು, ಹೀಗೆ ಇರುವೆ, ಎಂದು ನಗುವುದು, ಹೀಗೆ ನಗುತಲಿರುವುದು
ಆಡಿಸಿ ನೋಡು, ಬೀಳಿಸಿ ನೋಡು, ಉರುಳಿ ಹೋಗದು

Tuesday, June 6, 2017

ಬೊಂಬೆ ಹೇಳುತೈತೆ / Bombe helutaite


ಸಾಹಿತ್ಯ : ಸಂತೋಷ್ ಆನಂದರಾಮ್
ಗಾಯಕರು : ಶ್ರೀ ವಿಜಯಪ್ರಕಾಶ್
ಸಂಗೀತ ಸಂಯೋಜಕರು : ವಿ.ಹರಿಕೃಷ್ಣ











ಧ್ವನಿಸುರಳಿಯ ಕೊಂಡಿ / Hear the song 

ಬೊಂಬೆ ಹೇಳುತೈತೆ ಮತ್ತೆ ಹೇಳುತೈತೆ ನೀನೆ ರಾಜಕುಮಾರ 
ಬೊಂಬೆ ಹೇಳುತೈತೆ ಮತ್ತೆ ಹೇಳುತೈತೆ ನೀನೆ ರಾಜಕುಮಾರ

ಹೊಸ ಬೆಳಕೊಂದು, ಹೊಸಿಲಿಗೆ ಬಂದು
ಬೆಳಗಿದೆ ಮನೆಯ ಮನಗಳ ಇಂದು
ಆರಾಧಿಸೋ, ರಾರಾಜಿಸೋ ರಾಜರತ್ನನು
ಆಡಿಸಿಯೇ ನೋಡು, ಬೀಳಿಸಿಯೇ ನೋಡು
ಎಂದು ಸೋಲದು, ಸೋತು ತಲೆಯಬಾಗದು

ಬೊಂಬೆ ಹೇಳುತೈತೆ ಮತ್ತೆ ಹೇಳುತೈತೆ ನೀನೆ ರಾಜಕುಮಾರ

ಗುಡಿಸಲೆ ಆಗಲಿ ಅರಮನೆಯಾಗಲಿ ಆಟವೆ ನಿಲ್ಲದು, ಎಂದು ಆಟ ನಿಲ್ಲದು
ಹಿರಿಯರೆ ಇರಲಿ ಕಿರಿಯರೆ ಬರಲಿ ಬೇಧವೆ ತೋರದು, ಎಂದು ಬೇಧ ತೋರದು
ಎಲ್ಲ ಇದ್ದು, ಏನೂ ಇಲ್ಲದ ಹಾಗೆ ಬದುಕಿರುವ,
ಆಕಾಶ ನೋಡದ ಕೈಯೆ ನೆನದು ಪ್ರೀತಿ ಹಂಚಿರುವ
ಜೊತೆಗಿರು ನೀನು ಅಪ್ಪನ ಹಾಗೆ
ಹಣ್ಣೆಲೆ ಕಾಯೋ ವಿನಯದಿ ಹೀಗೆ
ನಿನ್ನನು ಪಡೆದ ನಾವು ಪುನೀತ ಬಾಳು ನಗುನಗುತ

ಬೊಂಬೆ ಹೇಳುತೈತೆ ಮತ್ತೆ ಹೇಳುತೈತೆ ನೀನೆ ರಾಜಕುಮಾರ

ತಾನೇ ಉರಿದು ಮನೆಗೆ ಬೆಳಕು ಕೊಡುವ ದೀಪವಿದು, ನಂದಾದೀಪವೇ ಇದು
ಆಡಿಸುವಾತನ ಕರುಣೆಯ ಮೇಲೆ ನಮ್ಮ ಪಾತ್ರವು, ಸಮಯದ ಸೂತ್ರ ಅವನದು
ಒಂದು ಮುತ್ತಿನ ಕಥೆಯ ಹೇಳಿತು ಈ ಬೊಂಬೆ
ಆ ಕಥೆಯಲ್ಲಿದ್ದ ರಾಜನಂಗೆ, ನೀನು ಬಂದೆ
ಯೋಗವು ಒಮ್ಮೆ, ಬರುವುದು ನಮಗೆ
ಯೋಗ್ಯತೆ ಒಂದೇ, ಉಳಿವುದು ಕೊನೆಗೆ
ಸೂರ್ಯನೊಬ್ಬ ಚಂದ್ರನೊಬ್ಬ ರಾಜನು ಒಬ್ಬ, ಈ ರಾಜನು ಒಬ್ಬ
ಆಡಿಸಿಯೇ ನೋಡು, ಬೀಳಿಸಿಯೇ ನೋಡು
ಎಂದು ಸೋಲದು, ಸೋತು ತಲೆಯಬಾಗದು

ಬೊಂಬೆ ಹೇಳುತೈತೆ ಮತ್ತೆ ಹೇಳುತೈತೆ ನೀನೆ ರಾಜಕುಮಾರ