ಸುಂದರ ದಿನ ಸುಂದರ ಇನ ಸುಂದರ ವನ ನೋಡು ಬಾ / Sundara dina Sundara Ina Sundara vana

ಸಾಹಿತ್ಯ    : ರಾಷ್ಟ್ರಕವಿ ಕುವೆಂಪು  
ಗಾಯಕರು: ಜಿ.ವಿ.ಅತ್ರಿ , ಕೆ.ಎಸ್.ಸುರೇಖ

ಧ್ವನಿಸುರಳಿಯ ಕೊಂಡಿ / Hear the song 

ಸುಂದರ ದಿನ ಸುಂದರ ಇನ ಸುಂದರ ವನ ನೋಡು ಬಾ
ಎಳೆಬಿಸಿಲೊಳು ತಿಳಿಗೊಳದೊಳು
ಜಲದಲೆಗಳು ನಲಿನಲಿಯಲು
ನೋಡು ಬಾ ಕೂಡು ಬಾ ಬೇಗ ಬಾ ಬಾಬಾ ।।೨।।
ಸುಂದರ ದಿನ ಸುಂದರ ಇನ ಸುಂದರ ವನ ನೋಡು ಬಾ

ತಣ್ನೆಲರಲಿ ಹೂಗಳ ಬಳಿ
ಸೊಕ್ಕಿದ ಅಳಿ ನೋಡು ಬಾ
ಹೊಸತಳಿರೊಳು ಇಂಗೊರಳೊಲು
ಕೋಗಿಲೆಗಳು ಸರಗೈಯಲು
ಹಾಡು ಬಾ ಕೂಡು ಬಾ ಬೇಗ ಬಾ ಬಾಬಾ ।।೨।।
ಸುಂದರ ದಿನ ಸುಂದರ ಇನ ಸುಂದರ ವನ ನೋಡು ಬಾ

ಜೊತೆಯಿಲ್ಲದೆ ನನ್ನೊಲಿದೆದೆ ಕಂಪಿಸುತಿದೆ ಕೂಡು ಬಾ
ಹೊಸಹಸುರೆಡೆ ತಿಳಿಗೊಳದೆಡೆ
ನಾ ನಿನ್ನೆಡೆ ನೀ ನನ್ನೆಡೆ
ಕೂಡು ಬಾ ಹಾಡು ಬಾ ಬೇಗ ಬಾ ಬಾಬಾ ।।೨।।

ಸುಂದರ ದಿನ ಸುಂದರ ಇನ ಸುಂದರ ವನ ನೋಡು ಬಾ ।।೨।।