ಉದಯಿಸುತಿಹನದೊ ಅಭಿನವ ದಿನಮಣಿ / Udayisutihanado Abhinava dinamani

ಸಾಹಿತ್ಯ   : ರಾಷ್ಟ್ರಕವಿ ಕುವೆಂಪು  
ಗಾಯಕರು: ಶ್ರೀ ಸಿ.ಅಶ್ವಥ್

ಧ್ವನಿಸುರಳಿಯ ಕೊಂಡಿ / Hear the song 

ಉದಯಿಸುತಿಹನದೊ ಅಭಿನವ ದಿನಮಣಿ ಸಹ್ಯಾದ್ರಿಯ ಶೃಂಗಾಳಿಯ ಮೇಲೆ
ಹರಿದೋಡಿದೆ ನಿಶೆ, ನಗೆಬೀರಿದೆ ಉಷೆ, ತೀಡುತಲಿದೆ ತಂಗಾಳಿಯ ಲೀಲೆ
ಮಲೆನಾಡನು ಮನಮೋಹಿಸುತಿದೆ ಓ ದಿನಮುಖ ದಿನಕಾಂಚನ ಕಾಂತಿ
ಏಳೇಳಿರಿ ಕರೆಯುತ್ತಿದೆ ಕೇಳಿರಿ, ನವಜೀವನ ಕ್ರಾಂತಿ ಕ್ರಾಂತಿ ಕ್ರಾಂತಿ

ಉದಯಿಸುತಿದೆ ನೂತನ ಯುಗದೇವತೆ ಮಿಥ್ಯೆಯ ಮೌಢ್ಯತೆಯನು ಸೀಳಿ
ಜ್ಞಾನದ ವಿಜ್ಞಾನದ ಮತಿ ಖಡ್ಗದಿ ಮೈದೋರುವಳೈ ನವ ಕಾಳಿ
ಕೆಚ್ಚಿನ ನೆಚ್ಚಿನ ತನುಮನ ಪಟುತೆಯ ಸಂಪಾದಿಸಿ ಮೇಲೇಳಿ
ಕಣ್ದೆರೆಯಿರಿ ನವ ಕಾಂತಿಗೆ ಶಾಂತಿಗೆ ಓ ಕ್ರಾಂತಿಯ ಪುತ್ರರೆ ಬಾಳಿ
ಓ ಕ್ರಾಂತಿಯ ಪುತ್ರರೆ ಬಾಳಿ ಓ ಕ್ರಾಂತಿಯ ಪುತ್ರರೆ ಬಾಳಿ ಓ ಕ್ರಾಂತಿಯ ಪುತ್ರರೆ ಬಾಳಿ