ಕೃಷ್ಣ ಬಾರೊ / Krishna Baaro

ಸಾಹಿತ್ಯ     : ಶ್ರೀ ಪುರಂದರದಾಸರು

ಗಾಯಕರು : ಶ್ರೀಮತಿ ಕಸ್ತೂರಿ ಶಂಕರ್
                

ಧ್ವನಿಸುರಳಿಯ ಕೊಂಡಿ / Hear the song 

                                       

ಕೃಷ್ಣ ಬಾರೊ ಕೃಷ್ಣ ಬಾರೊ ಕೃಷ್ಣಯ್ಯ ನೀ ಬಾರಯ್ಯಾ    || ಪ ||

ಸಣ್ಣ ಹೆಜ್ಜೆಯನಿಟ್ಟು ಗೆಜ್ಜೆ ನಾದಗಳಿಂದ

ಮನ್ಮಥ ಜನಕನೆ ಬೇಗನೆ ಬಾರೊ

ಕಮಲಾಪತಿ ನೀ ಬಾರೊ

ಅಮಿತ ಪರಾಕ್ರಮ ಶಂಕರ ಬಾರೊ

ಕಮನೀಯಗಾತ್ರನೆ ಬಾರಯ್ಯ ದೊರೆಯೆ                   || ೧ ||

ಕುರುಳು ಕೇಶಗಳ ಒಲಿವ ಅಂದ

ಭರದ ಕಸ್ತೂರಿ ತಿಲಕದ ಚೆಂದ

ಶಿರದಿ ಒಪ್ಪುವ ನವಿಲು ಕಣ್ಣುಗಳಿಂದ

ಥರಥರಾಭರಣಗಳ ಧರಿಸಿ ನೀ ಬಾರೊ                      || ೨ ||

ಹಾಲು ಬೆಣ್ಣೆಗಳ ಕೈಯಲ್ಲಿ ಕೊಡುವೆ

ಮೇಲಾಗಿ ಭಕ್ಷ್ಯಗಳ ಮುಚ್ಚಿಟ್ಟು ತರುವೆ

ಜಾಲ ಮಾಡದೆ ನೀ ಬಾರಯ್ಯ ಮರಿಯೇ

ಬಾಲ ಎನ ತಂದೆ ಪುರಂದರವಿಠ್ಠಲ                          || ೩ ||

ಪದಗಳಾರ್ಥ: 

ಕಮನೀಯ              : ಸುಂದರ , ಮನೋಹರ 
ಕಮನೀಯಗಾತ್ರ       : ಸುಂದರವಾದ ಮುಖ ಉಳ್ಳವನು 
ಕುರುಳು                 : ಗುಂಗುರು ಕೂದಲು 
ಭರ                       : ಹೊತ್ತಿಕೊಂಡಿರುವ, ಆಸಕ್ತಿ, ತತ್ಪರತೆ,
ಕಸ್ತೂರಿ                   : ಕಸ್ತೂರಿ ಮೃಗದಿಂದ ಒದಗಿದ ಸುಗಂಧ ದ್ರವ್ಯ 
ಭರದ ಕಸ್ತೂರಿ ತಿಲಕ : ಹೊತ್ತಿರುವ  ಕಸ್ತೂರಿ ಪರಿಮಳದ ತಿಲಕ 
ಜಾಲ                     : ಉಪಾಯ, ಗರ್ವ, ಕೊಬ್ಬು, ಮೋಸ, ಕಪಟ, ಬಲೆ 
===============================================

Saahitya  : Sri Purandaradaasaru

Singer     : Smt Kasturi Shankar

krishNa bAro krishNa bAro krishNayya nI bArayyA    || pa ||
saNNa hejjeyaniTTu gejje nAdagaLinda

manmatha janakane begane bAro
kamalApati nI bAro
amita parAkrama shankara bAo
kamanIyagAtrane bArayya doreye                                    || 1 ||

kuruLu keshagaLa oliva anda
bharada kastUri tilakada chenda
shiradi oppuva navilu kaNNugaLinda
tharatharAbharaNagaLa dharisi nI bAro                         || 2 ||

hAlu beNNegaLa kaiyalli koDuve
melAgi bhakShyagaLa muchchiTTu taruve
jAla mADade nI bArayya mariye
bAla ena tande purandara viThThala                                || 3 ||