ಇಳಿದು ಬಾ ತಾಯಿ / Ilidu Baa Taayi

ಸಾಹಿತ್ಯ : ವರಕವಿ ಡಾ.ದ.ರಾ.ಬೇಂದ್ರೆ

ಸಂಗೀತ : ವಿಜಯಭಾಸ್ಕರ್

ಗಾಯನ : ಡಾ.ಪಿ.ಬಿ.ಶ್ರೀನಿವಾಸ್

ಧ್ವನಿಸುರಳಿಯ ಕೊಂಡಿ / Hear the song 

ಓಂ ಓಂ ಓಂ

ಇಳಿದು ಬಾ ತಾಯಿ ಇಳಿದು ಬಾ
ಹರನ ಜಡೆಯಿಂದ, ಹರಿಯ ಅಡಿಯಿಂದ

ಋಷಿಯ ತೊಡೆಯಿಂದ ನುಸುಳಿ ಬಾ

ದೇವದೇವರನು ತಣಿಸಿ ಬಾ

ದಿಕ್ದಿಗಂತದಲಿ ಹಣಿಸಿ ಬಾ

ಚರಾಚರಗಳಿಗೆ ಉಣಿಸಿ ಬಾ

ನಿನಗೆ ಪೊಡಮಡುವೆ, ನಿನ್ನ ನುಡುತೊಡುವೆ, ಏಕೆ ಎಡೆತಡೆವೆ ಸುರಿದು ಬಾ

ಸ್ವರ್ಗ ತೊರೆದು ಬಾ

ಬಯಲ ಜೆರೆದು ಬಾ

ನೆಲದಿ ಹರಿದು ಬಾ
ಬಾರೆ ಬಾ, ತಾಯಿ ಇಳಿದು ಬಾ

ದಯೆಯಿರಿದ ದೀನ

ಹರೆಯಳಿದ ಹೀನ

ನೀರಿರದ ಮೀನ ಕರೆಕರೆವ ಬಾ

ಕರು ಕಂಡ ಕರುಳೆ

ಮನ ಉಂಡ ಮರುಳೆ

ಉದ್ದಂಡ ಅರುಳೆ ಸುಳಿಸುಳಿದು ಬಾ

ಶಿವಶುಕ್ರ ತರುಣೆ

ಅತಿಕಿಂಚದರುಣೆ
ವಾತ್ಸಲ್ಯ ವರಣೆ ಇಳಿಇಳಿದು ಬಾ

ಸುರಸ್ವಪ್ನವಿದ್ದ ಪ್ರತಿಬಿಂಬ ಬಿದ್ದ

ಉತ್ಬುದ್ಧ ಶುದ್ಧ ನೀರೇ ನೀರೇ

ಎಚ್ಚೆದ್ದು ಎದ್ದ, ಆಕಾಶದುದ್ದ

ಧರೆಗಿಳಿಯಲಿದ್ದ ಧೀರೆ

ಸಿರಿ ವಾರಿಜಾತ ವರ ಪಾರಿಜಾತ

ತಾರಾ ಕುಸುಮದಿಂದೆ

ಬೃಂದಾರ ವಂಧೆ, ಮಂದಾರ ಗಂಧೆ

ನೀನೆ ತಾಯಿತಂದೆ

ರಸಪೂರ ಜನ್ಯೆ, ನೀನಲ್ಲ ಅನ್ಯೆ,

ಸಚ್ಚಿದಾನಂದ ಕನ್ಯೆ .. ಕನ್ಯೆ

ಇಳಿದು ಬಾ ತಾಯಿ ಇಳಿದು ಬಾ

ಬಂದಾರೆ ಬಾರೆ, ಒಂದಾರೆ ಸಾರೆ, ಕಣ್ಧಾರೆ ತಡೆವೆರೇನೆ

ಅವತಾರವೆಂದೆ, ಎಂದಾರೆ ತಾಯಿ ಈ ಅಧಃಪಾತವನ್ನೇ
ಹರಕೆ ಸಂದಂತೆ, ಮಮತೆ ಮಿಂದಂತೆ, ತುಂಬಿ ಬಂದಂತೆ

ಬಂದಾರೆ ಬಾರೆ, ಒಂದಾರೆ ಸಾರೆ, ಕಣ್ಧಾರೆ ತಡೆವೆರೇನೆ

ಅವತಾರವೆಂದೆ, ಎಂದಾರೆ ತಾಯಿ ಈ ಅಧಃಪಾತವನ್ನೇ

ಹರಕೆ ಸಂದಂತೆ, ಮಮತೆ ಮಿಂದಂತೆ, ತುಂಬಿ ಬಂದಂತೆ

ಧುಮ್ ಧುಮ್ ಎಂದಂತೇ ದುಡಿಕಿ ಬಾ

ನಿನ್ನ ಕಂದನ್ನ ಹುಡಿಕಿ ಬಾ 

ಹುಡಿಕಿ ಬಾ ತಾಯೆ ದುಡುಕಿ ಬಾ 

ಹರಣ ಹೊಸತಾಗೆ ಹೊಳೆದು ಬಾ 

ಬಾಳು ಬೆಳಕಾಗೆ ಬೆಳೆದು ಬಾ 

ಶಂಭು ಶಿವಹರನ ಚಿತ್ತೆ ಬಾ 
ದತ್ತ ನರಹರಿಯೆ ಮುತ್ತೆ ಬಾ
ಅಂಬಿಕಾತನೆಯನತ್ತೆ ಬಾ 

ಇಳಿದು ಬಾ ತಾಯಿ ಇಳಿದು ಬಾ

ಇಳಿದು ಬಾ ತಾಯಿ 
ಇಳಿದು ಬಾ

=====================================================

Sahitya  : Varakavi Dr. Daara Bendre

Music    : Sri Vijayabhaskar

Singer  : Dr.P.B.Srinivas

oM oM oM
iLidu bA tAyi iLidu bA

iLidu bA tAyi iLidu bA
harana jaDeyiMda, hariya aDiyinda
RiShiya toDyiMda nusuLi bA
devadevaranu taNisi bA
dikdigantadali haNisi bA
charAcharagaLige uNisi bA
ninage poDamaDuve, ninna nuDu toDuve, eke eDetaDeve suridu bA
svarga toredu bA
bayala jaredu bA
neladi haridu bA
bAre bA, tAyi iLidu bA

dayeyirida dIna
hareyaLida hIna
nIrirada mIna karekareva bA
karu kanDa karuLe
mana unDa maruLe
uddanDa aruLe suLisuLidu bA
shivashukra taruNe
atikinchadaruNe
vAtsalya varaNe iLiiLidu bA

surasvapnavidda pratibiMba bidda
utbuddha shuddha nIre nIre
echcheddu edda, AkAshadudda
dhargiLiyalidda dhIre
siri vArijAta vara pArijAta
tArA kusumadinde
bRindAra vandhe, mandAra gaMdhe
nIn tAyitande
rasapUra janye, nInalla anye,
sachchidAnaMda kanye .. kanye
iLidu bA tAyi iLidu bA

bandAre bAre, ondAre sAre, kaNdhAre taDeverEne
avatAravende, endAre tAyi I adhaHpAtavanne
harake sandante, mamate mindante, tuMbi bandante
bandAre bAre, ondAre sAre, kaNdhAre taDeverEne
avatAravende, endAre tAyi I adhaHpAtavanne
harake sandante, mamate mindante, tuMbi bandante

dhum dhum endaMte duDiki bA

ninna kaMdanna huDiki bA
huDiki bA tAye duDuki bA
haraNa hosatAge hoLedu bA
bALu beLakAge beLdu bA
shaMbhu shivaharana chitte bA
datta narahariye mutte bA
aMbikAtaneyanatte bA
iLidu bA tAyi iLidu bA
iLidu bA tAyi
iLidu bA