ರಾಮ ರಾಮ ರಾಮ ಎನ್ನಿರೊ ಇಂತಹ ಸ್ವಾಮಿಯ / Rama rama rama enniro Intaha swaamiya

ಸಾಹಿತ್ಯ     : ಶ್ರೀ ಪುರಂದರದಾಸರು 

ಗಾಯಕರು : ಶ್ರೀ ವಿದ್ಯಾಭೂಷಣ   

ಧ್ವನಿಸುರಳಿಯ ಕೊಂಡಿ / Hear the song 

                                         

                                         

ರಾಮ ರಾಮ ರಾಮ ಎನ್ನಿರೊ                         || ಪ ||

ಇಂತಹ ಸ್ವಾಮಿಯ ನಾಮವ ಮರೆಯದಿರೊ      || ಅ.ಪ ||

ತುಂಬಿದ ಪಟಣಕ್ಕೆ ಒಂಬತ್ತು ಬಾಗಿಲು 

ಸಂಭ್ರಮದ ಅರಸರು ಐದು ಮಂದಿ 

ಡಂಭಕತನದಿಂದ ತಿರುಗುವ ಕಾಯದಿ 

ನಂಬಿ ನೆಚ್ಚಿ ನೀವು ಕೆಡಬೇಡಿರೊ                      || ೧ || 

ನೆಲೆಯಲ್ಲದೀಕಾಯ ಎಲುಬಿನ ಪಂಜರ 

ಹೊಲಿದು ಸುತ್ತಿದ ಚರ್ಮದ ಹೊದಿಕೆ 

ಮಲಮೂತ್ರಂಗಳು ಕೀವುಕ್ರಿಮಿಗಳಿಂದ 

ಭರಿತ ದೇಹವ ನೆಚ್ಚಿ ಕೆಡಬೇಡಿರೊ                    || ೨ ||

ಹರಬ್ರಹ್ಮ ಸುರರಿಂದ ವಂದಿತನಾಗಿರ್ಪ 

ಹರಿಸರ್ವೋತ್ತಮನೊಬ್ಬ ಕಾಣಿರೊ 

ಪುರಂದರವಿಠಲನ ಭಜನೆಯ ಮಾಡಿರೊ 

ದುರಿತ ಪರ್ವತವೆಲ್ಲ ಪರಿಹಾರವೊ                   || ೩ ||

ಕ್ಲಿಷ್ಟ ಪದಗಳಾರ್ಥ: 

ತುಂಬಿದ ಪಟಣಕ್ಕೆ ಒಂಬತ್ತು ಬಾಗಿಲು : ಮಾನವ ದೇಹದ ನವ ರಂಧ್ರಗಳು 

ಸಂಭ್ರಮದ ಅರಸರು ಐದು ಮಂದಿ    : ಪಂಚೇಂದ್ರೀಯಗಳು 

                                  ಡಂಭಕತನ : ಬೂಟಾಟಿಕೆ 

                                         ಕಾಯ : ದೇಹ

**ಕಲಿಯುಗದಲ್ಲಿ ಹರಿನಾಮ ಸ್ಮರಣೆಯೊಂದೇ ಪರಮಮುಖ್ಯ ಸಾಧನ**

                                         ***  ಜೈ ಶ್ರೀರಾಮ್ ***

=====================================================

Saahitya  : Sri Purandaradaasaru

Singer      : Sri Vidhyabhushana

rAma rAma rAma enniro                              || pa ||
intaha swAmiya nAmava maryadiro               || a.pa ||

tuMbida paTaNakke oMbattu bAgilu

saMbhramada arasaru aidu mandi
DaMbhakatanadinda tiruguva kAyadi
naMbi nechchi nIvu keDabeDiro                        || 1 ||

neleyalladIkAya elubina panjara
holidu suttida charmada hodike
malamUtrangaLu kIvukrimigaLinda
bharita dehava nechchi keDabeDiro                 || 2 ||

harabrahma surarinda vanditanAgirpa
harisarvottamanobba kANiro
purandaraviThalana bhajaneya mADiro
durita parvatavella parihAravo                         || 3 ||

                                  ***  Jai Sri Ram ***