ಗಾನಕೆ ಸುಲಭವು ರಾಮ ನಾಮವು / Ganake sulabhavu Rama namavu

ಸಾಹಿತ್ಯ     : ಶ್ರೀ ಪ್ರಸನ್ನ ವೆಂಕಟದಾಸರು

ಗಾಯಕರು : ಶ್ರೀ ವಿದ್ಯಾಭೂಷಣರು

ಧ್ವನಿಸುರಳಿಯ ಕೊಂಡಿ / Hear the song 

ಗಾನಕೆ ಸುಲಭವು ರಾಮ ನಾಮವು

ಗಾನಕೆ ಅತಿ ಸುಲಭ ರಾಮ                          || ಪ ||

ರಾಮ್ ರಾಮ್ ಜೈ ಜೈ ರಾಮ್

ರಾಮ್ ರಾಮ್ ಶ್ರೀರಾಮ್ ಶ್ರೀರಾಮ್              || ಅ.ಪ ||

ದೀನ ಜನಕೆ ಬಲು ಸಾನುರಾಗನಾದ

ಜಾನಕಿನಾಥನ ದಿವ್ಯನಾಮವು                          

ತಾಳ ತಂಬೂರಿ ಮೃದಂಗಗಳಿಂದಲಿ

ಪೇಳುವರಿಗೆ ರಘು ಮೌಳಿಯ ನಾಮವು            || ೧ || 

ಘೋರ ಕಲುಶಗಳ ಪಾರಗಾಣಿಸಿ

ಮನ ಕೋರಿಕೆಗಳನೀವ ತಾರಕ ನಾಮವು         

ತಾಪಸ ಸತಿಯಳ ಶಾಪವ ಬಿಡಿಸಿದ

ಭೂಪ ದಾಶರಥಿಯ ದಿವ್ಯ ನಾಮವು                || ೨ || 

ಲಂಕೆಯ ಪೊಕ್ಕು ನಿಶಾಚರರನೇ ಕೊಂದು

ಪಂಕಜಾಕ್ಷಿಯ ಆತಂಕ ಕಳೆದ ನಾಮ              

ಎನ್ನವರೆಲ್ಲರು ಬನ್ನಿರಿ ಎನ್ನುತ

ತನ್ನೊಡನೊಯ್ದ ಪ್ರಸನ್ನ ರಾಮನ ನಾಮ            || ೩ || 

ಭಾವಾರ್ಥ :

ಸಾನುರಾಗನು : ಅನುರಾಗ / ಪ್ರೀತಿ ತೋರುವವನು

ಜಾನಕಿನಾಥ   : ಸೀತೆಯ ಪತಿ, ಶ್ರೀ ರಾಮ

ಮೌಳಿ           : ಕಿರೀಟ, ಮುಕುಟ

ರಘುಮೌಳಿ     : ರಘುಕುಲ ಮುಕುಟ

ಪಾರಗಾಣಿಸಿ   : ಮುಗಿಸಿ, ಕೊನೆ ಮುಟ್ಟಿಸಿ

ತಾರಕ ನಾಮ : ಮೋಕ್ಷದಾಯಕವಾದ ಮಂತ್ರ

ತಾಪಸ         : ಋಷಿ, ಮುನಿ

ತಾಪಸ ಸತಿ   : ಮುನಿ ಗೌತಮರ ಸತಿ : ಅಹಲ್ಯಾದೇವಿ

ದಾಶರಥಿ       : ರಾಜ ದಶರಥನ ಮಗ, ಶ್ರೀ ರಾಮ

ಪೊಕ್ಕು          : ಹೋಗಿ

ನಿಶಾಚರರು   : ರಾಕ್ಷಸರು

ಪಂಕಜಾಕ್ಷಿ     : ತಾವರೆದಲದಂಥ ಕಣ್ಣುಗಳುಳ್ಳವಳು : ಸೀತಾಮಾತೆ

ಎನ್ನವರೆಲ್ಲರು ಬನ್ನಿರಿ ಎನ್ನುತ ತನ್ನೊಡನೊಯ್ದ : 

ಶ್ರೀ ರಾಮದೇವರು ಪರಂಧಾಮಕ್ಕೆ ತೆರಳುವಾಗ, ನನ್ನ ಜೊತೆ ಯಾರು ಬೇಕಾದರೂ ಬರಬಹುದು ಅಂದರು.. ಆಗ ಸಾಕಷ್ಟು ಜನ ಹೋದರು ಮುಕ್ತಿಗೆ.. ಇದು ರಾಮಾಯಣದ ಕೊನೆಯಲ್ಲಿ ನಡೆದದ್ದು..

ಪರಂಧಾಮ   : ವೈಕುಂಠ

**ಕಲಿಯುಗದಲ್ಲಿ ಹರಿನಾಮ ಸ್ಮರಣೆಯೊಂದೇ ಪರಮಮುಖ್ಯ ಸಾಧನ**

                                         ***  ಜೈ ಶ್ರೀರಾಮ್ ***

========================================================

Saahitya  : Sri Prasanna Venkatadaasaru 

Singer      : Sri Vidyabhushanaru

gAnake sulabhavu rAma nAmavu

gAnake ati sulabha rAma                                      || pa ||

rAm rAm jai jai rAm

rAm rAm shrIrAm shrIrAm                                  || a.pa ||

dIna janake balu sAnurAganAda

jAnaki nAthana divya nAmavu                            

tALa taMbUri mRidangagaLindali

peLuvarige raghu mauLiya nAmavu                  || 1 ||

ghora kalushagaLa pAragANisi

mana korikegaLanIva tAraka nAmavu              

tApasa satiyaLa shApava biDisida

bhUpa dAsharathiya divya nAmavu                   || 2 || 

lankeya pokku nishAchararane kondu

pankajAkShiya Atanka kaLeda nAma                 

ennavarellaru banniri ennuta

tannoDanoyda prasanna rAmana nAma            || 3 ||    

                                  ***  Jai Sri Ram ***