ಶ್ರೀರಾಮ ರಾಮ ಜಯ ಜಯಾತ್ಮ ರಾಮ / Srirama rama Jaya Jayaatma rama

ಸಾಹಿತ್ಯ     : ಶ್ರೀ ಮಹಿಪತಿದಾಸರು

ಗಾಯಕರು : ಶ್ರೀ ವಿದ್ಯಾಭೂಷಣರು

ಧ್ವನಿಸುರಳಿಯ ಕೊಂಡಿ / Hear the song 

                                     ಶ್ರೀ ರಾಮ ರಾಮ              || ಪ ||

                                     ಜಯ ಜಯಾತ್ಮಾರಾಮ

                                     ದಯ ಗುಣದಿ ನಿಸ್ಸೀಮ

                                     ಮಾಯಾರಹಿತನುಪಮ

                                     ಕಾಯೌ ಕೃಪಾನಿಧಿ ನಮ್ಮ    || ೧ ||

                                     ಮುನಿಜನರ ಪ್ರತಿಪಾಲ

                                     ದೀನಬಂಧು ದಯಾಳ

                                     ಘನಸುಖದ ಕಲ್ಲೋಳ

                                     ನೀನಹುದೈ ಅಚಲ            || ೨ ||

                                     ಕರುಣಾಬ್ಧಿ ನೀನೆ ರಾಮ

                                     ಹರಹೃದಯ ವಿಶ್ರಾಮ

                                     ತರಳ ಮಹಿಪತಿ ನಿಮ್ಮ

                                     ಸ್ಮರಿಸುವ ಪಾದ ಪದ್ಮ        || ೩ ||

ಭಾವಾರ್ಥ :

ಆತ್ಮಾರಾಮ : ಸ್ವರೂಪಾನಂದಾವಿರ್ಭಾವ ಸದಾ ಉಳ್ಳವನು

                   ಸ್ವರೂಪ + ಆನಂದ + ಆವಿರ್ಭಾವ

ಸ್ವರೂಪ      : ಸುಂದರವಾದ

ಆವಿರ್ಭಾವ  : ಹುಟ್ಟುವುದು, ಪ್ರಕಟವಾಗುವುದು

ಜಯಾತ್ಮಾರಾಮ : ಆತ್ಮಾರಾಮನಿಗೆ ಜಯವಾಗಲಿ 

ಕೃಪಾನಿಧಿ   : ದಯಾಸಾಗರ : ವಿಷ್ಣು

ಮಾಯಾ    : ಮೋಹ, ದೋಷ

ಅನುಪಮ   : ಉಪಮೆ ಇಲ್ಲದವ, ಸರಿಸಮರಿಲ್ಲದವ

ಮಾಯಾರಹಿತನುಪಮ : ಸರಿಸಮರಿಲ್ಲದ ದೋಷರಹಿತನು

ಕಾಯೌ      : ಕಾಪಾಡು

ಪ್ರತಿಪಾಲ   : ಕಾಪಾಡುವವನು

ಘನಸುಖ    : ದುಃಖ ರಹಿತ

ಕಲ್ಲೋಳ     : ಪ್ರವಾಹ, ಅಲೆ, ತೆರೆ, ತರಂಗ

ಘನಸುಖದ ಕಲ್ಲೋಳ : ದುಃಖದ ಲೇಪವೇ ಇಲ್ಲದ, ಆನಂದ-ಪ್ರವಾಹ ಪರಿಪೂರ್ಣನು

ನೀನಹುದೈ  : ನೀನು ಅಹುದು

ಅಚಲ        : ತಲ್ಲಣಗೊಳ್ಳದವನು

ಅಬ್ಧಿ           : ಸಾಗರ

ಕರುಣಾಬ್ಧಿ    : ಕರುಣಾಸಾಗರ

ಹರಹೃದಯ ವಿಶ್ರಾಮ : ಶಿವನ ಹೃದಯಮಂದಿರದೊಳು ನೆಲಸಿರುವವನು ಶ್ರೀರಾಮ

ಹಾಗೆಯೇ ಶ್ರೀರಾಮನ ಹೃದಯಮಂದಿರದೊಳು ನೆಲಸಿರುವವನು ಶಿವ

ತರಳ         : ಬಾಲಕ, ಹುಡುಗ

ತರಳ ಮಹಿಪತಿ ಸ್ಮರಿಸುವ ಪಾದ ಪದ್ಮ : ಬಾಲಕ, ಅತಿ ಅಲ್ಪನಾದ ಮಹಿಪತಿಯು 

ನಿಮ್ಮ ಪಾದ ಕಮಲಗಳನ್ನು ಸ್ಮರಿಸುತ್ತೇನೆ

=========================================================

                       
                       Saahitya  : Sri Mahipatidaasaru

                      Singer       : Sri Vidyabhushanaru

  

                         shrI rAma rAma                             || pa ||

                        jaya jayAtmaa rAma

                        daya guNadi nissIma

                        mAyArahitanupama

                        kAyau kRupAnidhi namma           || 1 ||

                        munijanara pratipAla

                        dIna bandhu dayALa

                        dhana sukhada kalloLa

                        nInahudai achala                             || 2 ||

                        karuNAbdhi nIne rAma

                        harahRudaya vishrAma

                        taraLa mahipati nimma

                        smarisuva pAda Padma                 || 3 ||

                                    ***  Jai Sri Ram ***