ಕೊಡುವನು ನೀನು ಕೊಂಬುವನು ನಾನು / Koduvanu Neenu Kombuvanu Naanu

ಸಾಹಿತ್ಯ    : ಶ್ರೀ ವಿಜಯದಾಸರು 

ಗಾಯಕರು: ಶ್ರೀ ರಾಯಚೂರು ಶೇಷಗಿರಿ ದಾಸ್

ಧ್ವನಿಸುರಳಿಯ ಕೊಂಡಿ / Hear the song 

ಕೊಡುವನು ನೀನು ಕೊಂಬುವನು ನಾನು                    ।। ಪ ।।

ಬಡ ಮನದ ಮನುಜನ ಬೇಡಿ ಫಲವೇನು                    ।। ಅ.ಪ ।।  

ಹದಿನಾರು ಹಲ್ಲುಗಳ ಬಾಯ್ತೆರೆದು ಬೇಡಿದರೆ |

ಇದು ಸಮಯವಲ್ಲೆಂದು ಹೇಳಿ ತಾನು ।।

ಮದನ ಕೇಳಿಗೆ ನೂರನೊಂದಾಗಿ ನೋಡುವನು |

ಮದಡ ಮಾನವನೇನು ಕೊಡಬಲ್ಲ ಹರಿಯೇ                 ।।೧ ।।    

ಗತಿಯಿಲ್ಲವೆಂತೆಂದು ನಾನಾ ಪ್ರಕಾರದಲಿ |

ಮತಿಗೆಟ್ಟು ಪೊಗಳಿದರೆ ಅವನು ತನ್ನ ।।

ಸತಿಸುತರ ಕೇಳಬೇಕೆಂದು ಮೊಗ ತಿರುಹುವ ।

ಅತಿ ದುರುಳ ಮತ್ತೇನು ಕೊಡಬಲ್ಲ ಹರಿಯೇ                ।। ೨ ।।

ಹೀನ ವೃತ್ತಿಯ ಜನರಿಗಾಸೆಯನು ಬಡುವದು ।

ಗಾಣದೆತ್ತು ತಿರುಗಿ ಬಳಲಿದಂತೆ ।।

ಭಾನುಕೋಟಿ ತೇಜ ವಿಜಯ ವಿಠ್ಠಲರೇಯ ।

ನೀನಲ್ಲದನ್ಯತ್ರ ಕೊಡು ಕೊಂಬರುಂಟೆ ?                      ।। ೩ ।।