ನಡಿ ನಡಿ ಸುಪಥವ / Nadi Nadi Supathava

ಸಾಹಿತ್ಯ    : ಶ್ರೀ ವಿಜಯದಾಸರು 
ಗಾಯಕರು: ಶ್ರೀ ರಾಯಚೂರು ಶೇಷಗಿರಿ ದಾಸ್

ಧ್ವನಿಸುರಳಿಯ ಕೊಂಡಿ / Hear the song 

ನಡಿ ನಡಿ ಸುಪಥವ
ಜಗದೊಡೆಯನನೆನೆ  ಮನವೇ                                                || ಪ ||

ಬಿಡು ಬಿಡು ಮಾಯಾವನು ಕೆಡದಿರು ಕಪಟದಲಿ                        || ಅ.ಪ ||

ನಾನು ನನ್ನದು ಎಂಬೋ, ಹೀನ ವಚನ ಸಲ್ಲ
ಗೇಣೂದರ ಪೊರೆವುದಲ್ಲದೆ
ಮತ್ತೇನಾದರೂ ಉಂಟೆ                                                         || ೧ ||

ಮಡದಿ ಮಕ್ಕಳ ನೋಡಿ, ಕಡುಹಿಗ್ಗಿ ಕೆಡಬೇಡ
ಕಡುಮುನಿದೆಮನಾಳುಗಳು
ಪಿಡಿದೇಳೆದೊಯ್ಯುವಾಗ                                                        || ೨ ||

ಇರಳು ಹಗಲು ನೀನು ಹರಿಸ್ಮರಣೆ ಚಿತ್ತದಲಿ
ಸ್ಥಿರವಾಗಿ ಇರಿಸೋದು
ಅನಂತ ಜನ್ಮ ಪಾಪ ಪೋಗುವುದು                                           || ೩ ||

ಜ್ಞಾನಮಾರ್ಗವಿಡಿದು ಆನಂದ ಮೂರುತಿಯ
ಧ್ಯಾನದಿಂದಲಿ ಕಾಣೋ ದೈನ್ಯ ವೃತ್ತಿಯ ಬಿಟ್ಟು
ಹಾನಿ ವೃದ್ಧಿಯ ಜರಿದು                                                           || ೪ ||

ಅತಿ ಕಾಮಾತುರನಾಗಿ, ರತಿಯಲ್ಲಿ ಸಿಗದಿರು
ಸತತ ಮಾಡಿದ ಕರ್ಮ ವ್ಯಾಳೆ ವ್ಯಾಳೆಗೆ ಶ್ರೀಪತಿಗರ್ಪಿತವೆಂದು            || ೫ ||

ಸಂತೋಷಗಳು ಬರಲಿ, ಸಂತಾಪಗಳು ಇರಲಿ
ಇಂತು ಇವರಿಗೆಲ್ಲ ಪ್ರೇರಕ ಹರಿಜಗದಂತರ್ಯಾಮಿಯೆಂದು             || ೬ ||

ಧನಕನಕ ವಸ್ತು ಮಾಲಿನಿ ನಂದನರು ಆರು 
ತನುವೇ ನಿನ್ನದಲ್ಲ ತಿಳಿದುಕೊ, ಗತಿ ಸಾಧನಕೆ ವಿಜಯವಿಠ್ಠಲನೆಂದು   || ೭ ||