ಆಂಜನೇಯನೆ ಅಮರ ವಂದಿತ / Anjaneyane Amara Vandita

ಸಾಹಿತ್ಯ     : ಶ್ರೀ ವಾದಿರಾಜ ತೀರ್ಥರು
ಗಾಯಕರು : ಶ್ರೀ ವಿದ್ಯಾಭೂಷಣ 

ಹಾಡಿನ ಕೊಂಡಿ 🔻

ಆಂಜನೇಯನೆ ಅಮರ ವಂದಿತ ಕಂಜನಾಭನ ದೂತನೆ             || ಪ ||
ಮಂಜಿನೋಲಗದಂತೆ ಶರಧಿಯ ದಾಟಿದ ಮಹಾ ಧೀರನೆ            || ಅ.ಪ || 

ಆಂಜನೇಯನೆ ನಿನ್ನ ಗುಣಗಳ ಪೊಗಳಲಳವೆ ಪ್ರಖ್ಯಾತನೆ 
ಸಂಜೀವನವ ತಂದು ಕಪಿಗಳ ನಂಜು ಕಳೆದ ಪ್ರಖ್ಯಾತನೆ             || ೧ ||

ಕಾಮನಿಗ್ರಹನೆನಿಸಿ ಸುರರಭಿಮಾನಿ ದೇವತೆ ಎನಿಸಿದೆ 
ರಾಮಪಾದಕ್ಕೆರಗಿ ನಡೆದು ನಿಸ್ಸೀಮ ನೀನೆಂದೆನಿಸಿದೆ                   || ೨ ||

ಸಿಂಧು ಹಾರಿದೆ ಶ್ರೀಘ್ರದಿಂದಲಿ ಬಂದು ಸೀತೆಗೆ ನಮಿಸಿದೆ 
ತಂದು ಮುದ್ರೆಯನಿತ್ತು ಮಾತೆಯ ಮನವ ಸಂತೋಷ ಪಡಿಸಿದೆ    || ೩ ||

ಜನಕ ತನುಜೆಯ ಮನವ ಹರುಷಿಸಿ ವನವ ತಿದ್ತೀಡಾಡಿದೆ 
ದನುಜರನ್ನು ಸದೆದು ಲಂಕೆಯ ಅನಲಾಗುಹುತಿ ಮಾಡಿದೆ           || ೪ ||

ರಾಮಕಾರ್ಯವ ವಹಿಸಿ ಅಕ್ಷಕುಮಾರನನು ಸಂಹರಿಸಿದೆ 
ಘೋರ ರಕ್ಕಸರೆಂಬುವರನು ಮಾರಿವಶವನು ಗೈಸಿದೆ                  || ೫ || 

ಭರದಿ ಬಂದು ರಾಮಪಾದಕ್ಕೆರಗಿ ಬಿನ್ನಹ ಮಾಡಿದೆ 
ಉರಗಗಿರಿ ಹಯವದನನ ಪರಮ ಭಕ್ತನೆಂದೆನಿಸಿದೆ                    || ೬ ||                    

ಪದಗಳಾರ್ಥ: 

ಪೊಗಳಲಳವೆ - ಪೊಗಳಲು ಅಳವೇ = ಹೊಗಳಲು ಸಾಧ್ಯವೇ
ಅಳವು - ಸಾಧ್ಯವಾದುದು, ಶಕ್ತಿ, ಅಳತೆ, ವಿವೇಕ    
ದನುಜ - ರಾಕ್ಷಸ 
ಅನಲು - ಬೆಂಕಿ 
ಸದೆದು - ಅಪ್ಪಳಿಸು
ಬಿನ್ನಹ - ಪ್ರಾರ್ಥನೆ 
ಉರಗ - ಸರ್ಪ
ಹಯ - ಕುದುರೆ, ಅಶ್ವ, ತೇಜಿ, ಘೋಟ