ಕಂಡೆನ ನಾ ಗೋವಿಂದನ / Kande na Govindana

ಸಾಹಿತ್ಯ: ಶ್ರೀ ಪುರಂದರದಾಸರು 
ಗಾಯಕರು: ಶ್ರೀ ವಿದ್ಯಾಭೂಷಣ  

ಧ್ವನಿಸುರಳಿಯ ಕೊಂಡಿ / Hear the song 

ಕಂಡೆನ ನಾ ಗೋವಿಂದನ                     || ಪ ||
ಪುಂಡರೀಕಾಕ್ಷ ಪಾಂಡವಪಕ್ಷ ಕೃಷ್ಣನ        || ಅ.ಪ ||

ಕೇಶವ ನಾರಾಯಣ ಶ್ರೀ ಕೃಷ್ಣನ 
ವಾಸುದೇವ ಅಚ್ಯುತ ಅನಂತನ 
ಸಾಸಿರ ನಾಮದ ಶ್ರೀ ಹೃಷಿಕೇಶನ 
ಶೇಷಶಯನ ನಮ್ಮ ವಾಸುದೇವ ಸುತನ    || ೧ ||

ಪುರುಷೋತ್ತಮ ನರಹರಿ ಶ್ರೀ ಕೃಷ್ಣನ 
ಶರಣಾಗತ ಜನ ರಕ್ಷಕನ 
ಕರುಣಾಕರ ನಮ್ಮ ಪುರಂದರವಿಠಲನ 
ನೆರೆ ನಂಬಿದೆನು ಬೇಲೂರ ಚೆನ್ನಿಗನ         || ೨ ||