Sunday, December 16, 2018

ಜಾಲಿಯ ಮರದಂತೆ / Jaaliya Maradante

ಸಾಹಿತ್ಯ: ಶ್ರೀ ಪುರಂದರದಾಸರು 
ಗಾಯಕರು: ಶ್ರೀ ವಿದ್ಯಾಭೂಷಣ  



ಧ್ವನಿಸುರಳಿಯ ಕೊಂಡಿ / Hear the song 


ಜಾಲಿಯ ಮರದಂತೆ ದುರ್ಜನರು                        || ಪ ||
ಮೂಲಾಗ್ರ ಪರಿಯಂತ ಮುಳ್ಳು ಕೂಡಿಪ್ಪಂತೆ           || ಅ.ಪ ||

ಬಿಸಿಲಲಿ ಬಳಲಿ ಬಂದವರಿಗೆ ನೆರಳಿಲ್ಲ
ಹಸಿದು ಬಂದವರಿಗೆ ಹಣ್ಣು ಇಲ್ಲ
ಕುಸುಮ ವಾಸನೆ ಇಲ್ಲ, ಕೂಡಲು ಸ್ಥಳವಿಲ್ಲ
ರಸದಲ್ಲಿ ಸ್ವಾದವು, ವಿಷದಂತೆ ಇರುತಿಹ                || ೧ ||

ಊರ ಹಂದಿಗೆ ಷಡ್ರಸಾನ್ನ ಇಕ್ಕಲು
ನಾರುವ ದುರ್ಗಂಧ, ಬಿಡ ಬಲ್ಲುದೇ
ಘೋರ ಪಾಪಿಗೆ ತತ್ವಜ್ಞಾನ ಪೇಳಲು
ಕ್ರೂರ ಕರ್ಮವ ಬಿಟ್ಟು ಸುಜನನಾಗುವನೆ                  || ೨ ||

ತನ್ನಿಂದ ಉಪಕಾರ ತೊಟಕಾದರೂ ಇಲ್ಲ
ಬಿನ್ನಾಣ ಮಾತಿಗೆ ಕೊನೆಯಿಲ್ಲವೂ
ಅನ್ನಕ್ಕೆ ಸೇರಿದ ಕುನ್ನಿ ಮಾನವರಂತೆ
ಇನ್ನಿವರ ಕಾರ್ಯವು ಪುರಂದರವಿಠ್ಠಲಾ                  || ೩ ||

ತಾತ್ಪರ್ಯ: 

No comments:

Post a Comment