ಹೆಂಡತಿ ಪ್ರಾಣ ಹಿಂಡುತಿ / Hendati Praana Hinduti

ಸಾಹಿತ್ಯ: ಶ್ರೀ ಪುರಂದರದಾಸರು 
ಸಂಗೀತ ಸಂಯೋಜಕರು & ಗಾಯಕರು : ಶ್ರೀ ಸಿ.ಅಶ್ವಥ್ 

ಧ್ವನಿಸುರಳಿಯ ಕೊಂಡಿ / Hear the song 

ಹೆಂಡತಿ ಪ್ರಾಣ ಹಿಂಡುತಿ                                   || ಪ ||
ದೊಡ್ಡ ಕೊಂಡ ಕೋತಿಯಂತೆ ಕುಣಿಕುಣಿಸುತ್ತಿ          ||ಅ.ಪ ||

ಹೊತ್ತಾರೆ ಏಳುತ್ತಿ, ಹೊರಗೆ ತಿರುಗಾಡುತ್ತಿ
ಹೊತ್ತು ಹೋಯಿತು, ಭತ್ಯ ತಾ ಎನ್ನುತ್ತಿ
ಉತ್ತಮ ಗುರುಹಿರಿಯರ ಮಾತನ್ನು ಮೀರುತ್ತಿ
ಮೃತ್ಯು ದೇವತೆಯಂತೆ ಮನೆಯೊಳಗಿರುತಿ             || ೧ ||

ಇಲ್ಲದ್ದು ಬೇಡುತ್ತಿ, ಸುಳ್ಳನ್ನು ಮಾತಾಡುತ್ತಿ
ಒಳ್ಳೆ ಊಟವನುಂಡು ಕುಳಿತಿರ್ಪೆನಂತಿ
ಎಳ್ಳಿನಷ್ಟೂ ಕೆಲಸ ಮಾಡಲಾರೆನೆಂತಿ
ಎಲ್ಲೆಲ್ಲಿ ತಲೆ ಎತ್ತದ ಹಾಗೆ ಮಾಡುತ್ತಿ                        || ೨ ||

ಹಿರಿಯತನಕೆ ಹೋಗುತ್ತಿ, ಗರುವಿಕೆ ಮಾಡುತ್ತಿ
ನೆರೆಹೊರೆಯರ ಕೂಡ ಬಡಿದಾಡುತ್ತಿ
ದೊರೆ ಸಿರಿಪುರಂದರವಿಠಲನ ಸ್ಮರಿಸದೆ
ದುರಿತಕ್ಕೆ ಗುರಿಯಾಗಿ ನೀ ನಿಲ್ಲುತ್ತಿ                            || ೩ ||

ಕ್ಲಿಷ್ಟ ಪದಗಳ ಅರ್ಥ :
------------------
ಭತ್ಯ : allowance